Nepal's No.1 Filmy Web Magazine

राजबहादुर सानेको निर्देशनमा बनेको फिल्म ‘लज्जावती’ साउन २९ गतेबाट प्रदर्शनमा आउने भएको छ । मंगलबार निर्माताले फिल्मको सम्पूर्ण छायांकन पूरा भएको जानकारी दिँदै प्रदर्शन मिति घोषणा गरेका हुन् । गत साता काठमाडौंको धर्मस्थलीमा फिल्मको अन्तिम दृश्य खिचिएको थियो । दुई चरणमा गरी ४५ दिनमा फिल्मको छायांकन पूरा भएको हो ।

सन् २०१७ मा प्रदर्शन भएको फिल्म ‘द विनर’का अभिनेता तथा मोडल मन्चिन शाक्यले काठमाडौँको कमलादी कुलरत्न मार्गस्थित सिटिजन्स बैंक अगाडि सुविधासम्पन्न ‘इलोरा हेयर एन्ड ब्युटी यूनिसेक्स लाउन्ज’ सञ्चालनमा ल्याएका छन् । आइतबार गायक द्वय रामकृष्ण ढकाल र निमा रुम्बाले संयुक्त रूपमा रिवन काटेर उक्त लाउन्जको शुभारम्भ गरे । 

गत वैशाख २५ गतेबाट प्रदर्शनमा आएको फिल्म ‘लालीबजार’ले पछिल्लो शनिबारसम्म झन्डै ८ करोडको व्यापार गरेको छ । सोमबार चलचित्र विकास बोर्डले सार्वजनिक गरेको बक्स अफिस तथ्यांकअनुसार फिल्मले जेठ १६ गतेसम्म ७ करोड ९० लाख ३१ हजार ४३७ रुपैयाँ ग्रस कमाएको छ । यो अवधिसम्म २ लाख ६९ हजार २०२ जनाले फिल्म हेरेका छन् । 

गत वर्षको ब्लकबस्टर फिल्म ‘आ बाट आमा’को दोस्रो भाग ‘आ बाट आमा २’को छायांकन सुरु भएको छ । सोमबार बिहान मकवानपुरको पर्यटकीय क्षेत्र चित्लाङ गाउँबाट फिल्मको छायांकन थालिएको हो । फिल्मका लागि पहिलो सट अभिनेता पल शाहले दिए । उनी यो फिल्मको पहिलो भागमा पनि मुख्य भूमिकामा थिए । 

अभिनेता उत्तम प्रधान र अभिनेत्री निरुता सिंहलाई नेपाली फिल्मका सर्वाधिक सफल जोडीमध्ये एक मानिन्छ । कालजयी फिल्म ‘दर्पण छायाँ’बाट सुरु भएको उनीहरूको सहकार्य सन् २००३ मा प्रदर्शन भएको ‘उपहार’सम्म अटुट रह्यो । यो बीचमा उनीहरू ‘मलाई माफ गरिदेऊ’, ‘लहना’, ‘यो कस्तो प्रेम’ जस्ता आधा दर्जनभन्दा बढी फिल्ममा जोडी भएर देखिए । 

लामो समयदेखि दर्शकले ठूलो पर्दामा हेर्न चाहेको जोडी हो, पल शाह र मलिका महत । म्यूजिक भिडियोमा सर्वाधिक रुचाइएको यो जोडीलाई फिल्ममा पनि ल्याउन दर्शकहरूले निरन्तर माग गर्दै आएका थिए । केही निर्माताले प्रयास गरेका पनि थिए, तर सफल हुन सकेन । अब भने ‘पीएम जोडी’का प्रशंसकका लागि खुसीको खबर छ ।