Nepal's No.1 Filmy Web Magazine

घरेलु बक्स अफिसमा सुखद् व्यापार गरिरहेको फिल्म ‘जारी २ : सङ अफ च्याम्ब्रुङ’ १४ मिनेट लम्बिएको छ । निर्माण पक्षले नयाँ दृश्यसहितको फिल्म सोमबार साँझ सेन्सर गराएको छ । अब फिल्मको लम्बाइ २ घन्टा २१ मिनेट भएको छ । सुरुमा फिल्मको रनटाइम २ घन्टा ७ मिनेट थियो । फिल्मको नयाँ संस्करणलाई ‘डिरेक्टर्स कट’ भनिएको छ । 

अघिल्लो साता प्रदर्शनमा आएको फिल्म ‘परान’ले बक्स अफिसमा उत्कृष्ट कमाइ गरेको छ । सोमबार चलचित्र विकास बोर्डले सार्वजनिक गरेको तथ्यांक अनुसार यो फिल्मले ९ दिनमा साढे तीन करोडको आँकडा नघाएको छ । गत शनिबारसम्म फिल्मको कुल कमाइ ३ करोड ७१ लाख ३६ हजार रुपैयाँ ग्रस छ । शनिबार मात्र फिल्मले १ करोड २० लाख कमाइ गरेको थियो । 

विगत तीन वर्षयता अभिनेत्री आँचल शर्मा एउटा हिट फिल्मको पर्खाइमा थिइन् । यो बीचमा उनका चारवटा फिल्म असफल भए । उनलाई पहिलो पटक ‘लाइमलाइट’मा ल्याएको फिल्म ‘नाइँ नभन्नू ल’को छैटौं श्रृंखला होस् वा ‘कबड्डी’ समूहको फिल्म ‘डिग्री माइला’, कुनैले उनलाई सफलता दिलाउन सकेनन् । उनका पछिल्ला दुई फिल्म ‘दुःखी आत्मा’ र ‘वर एन्ड वधु’ पनि नराम्ररी डुबे ।

आशिष ढकालको निर्देशनमा बनेको फिल्म ‘मुगलान’को टिजर सार्वजनिक गरिएको छ । रोजगारीका लागि परदेश जानुपर्ने नेपाली युवाको बाध्यताको कथालाई केन्द्रमा राखिएको टिजरमा त्रिकोणात्मक प्रेमकथा, गरिबी र परदेशमा भोग्नुपर्ने पीडालाई समेटिएको छ । टिजर हेर्दा फिल्मले नेपाली समाजको यथार्थ कथा प्रस्तुत गरेको देखिन्छ ।

बलिउड सुपरस्टार सलमान खान यतिबेला आफ्नो नयाँ फिल्म ‘ब्याटल अफ गलवान’को छायांकनमा व्यस्त छन् । मुम्बईको गोरेगाउँस्थित फिल्म सिटीमा तीन सातादेखि छायांकन भइरहेको यस फिल्ममा नेपाली कलाकारहरूलाई पनि ‘कास्ट’ गरिएको छ । अभिनेता अनुप विक्रम शाही फिल्ममा मुख्य भिलेनको रुपमा छन् । सलमानसँग उनको १३ मिनेट लामो एक्सन सिन रहेको छ ।

दशैंदेखि घरेलु बक्स अफिस चलायमान देखिएको छ । दशैं-तिहारमा मात्र नेपाली फिल्मले झन्डै २९ करोडको व्यापार गरे । ठूला चाडपर्व सकिएपछि पनि नयाँ फिल्महरूले आशाजनक प्रदर्शन गरिरहेका छन् । गत साता प्रदर्शन भएको ‘परान’ सुपरहिटतर्फ उन्मुख छ भने, यसै सातादेखि प्रदर्शनमा आएका दुई फिल्म ‘जारी २’ र ‘मन बिनाको धन’ले पनि उत्साहप्रद ओपनिङ गरेका छन् ।