Nepal's No.1 Filmy Web Magazine
अभिनेता नीर शाहको निर्देशकीय कमब्याक फिल्म ‘कमला मिस’को पहिलो गीत ‘तिमी मेरो सञ्जीवनी’ सार्वजनिक गरिएको छ । युग भुसालको शब्द तथा संगीत रहेको गीतमा रुबाई र सरोदी कुमारको स्वर सुन्न सकिन्छ । गीतले प्रेम र समर्पणको भाव अभिव्यक्त गरेको छ । एकअर्काप्रति आकर्षित हुँदै गएका दुई पात्रको मनोभावलाई गीतमार्फत प्रस्तुत गरिएको छ ।
एभरेष्ट सूर्य बोहराको निर्देशनमा बनेको फिल्म ‘चमेलीको पोइ’को शीर्ष गीत ‘ओइ ओइ चमेली’ सार्वजनिक गरिएको छ । सोमबार काठमाडौंमा आयोजित एक कार्यक्रमका बीच राजनराज सिवाकोटी र इन्दिरा जोशीको स्वरमा रहेको उक्त गीत दर्शकमाझ ल्याइएको हो । गीतमा निर्देशक बोहराको स्वयंको शब्द तथा गायक राजनराजको संगीत रहेको छ ।
अभिनेत्री गौमाया गुरुङ विवाह बन्धनमा बाँधिएकी छन् । उनले केही दिनअघि बेलायतमा प्रेमी दिवससँग विवाह गरेकी हुन् । गुरुङ संस्कार अनुसार भएको विवाह समारोहमा दुई पक्षका सीमित पारिवारिक सदस्यहरूको उपस्थिति रहेको थियो । गौमायाले मंगलबार सामाजिक सञ्जालमा विवाहका तस्वीरहरू सार्वजनिक गरेकी छन् ।
अभिनेता विजय बराल डेढ महिनापछि फिल्म छायांकनमा फर्किएका छन् । गत जेठमा फिल्म ‘सिन्दुरे जात्रा’को छायांकनको क्रममा घोडाबाट लड्दा उनको दाहिने हात भाँचिएको थियो । यसपछि फिल्मको पूर्ण रूपमा छायांकन रोकियो । अघिल्लो साता विजयले हातको ब्यान्डेज हटाएपछि फिल्मको छायांकन पुनः सुरु गरिएको हो ।
संगीतकार तथा गायक टंक बुढाथोकीको निर्देशनमा बन्न लागेको फिल्म ‘मन बिनाको धन २’मा कलाकारहरू भित्रिने क्रम अझै जारी छ । सरोज खनाल, विपिन कार्की, पूजा शर्मा, महेश त्रिपाठी, प्रकाश घिमिरे र किरण केसी अनुबन्धित भइसकेको फिल्ममा अब अभिनेत्री गौरी मल्लको प्रवेश भएको छ । उनीसँग आइतबार निर्माण पक्षले लिखित सम्झौता गरेको हो ।
नेपालमा दक्षिण भारतीय फिल्मको प्रभाव बढ्दो छ । ‘बाहुबली’, ‘केजीएफ’, ‘पुष्पा’ जस्ता फिल्मले नेपालमा गरेको व्यापार त्यसकै प्रमाण हो । यसैले कुनै बेला बलिउड फिल्मदेखि भाग्ने गरेका नेपाली निर्माताहरूमा पछिल्लो समय साउथ फिल्मको डर बढेको छ । यसको ताजा उदाहरण हो, ‘टक्सिक’ । यो फिल्मका कारण यतिबेला नेपाली फिल्मको भागाभाग भएको छ ।
