Nepal's No.1 Filmy Web Magazine
अभिनेत्री सुरक्षा पन्तको मुख्य भूमिका रहेको फिल्म ‘धागो’ शुक्रबारबाट नेपाल र भारतका हलहरूमा एकसाथ प्रदर्शनमा आएको छ । निर्माण पक्षका अनुसार फिल्मलाई भारतका सिलिगुडी, दार्जिलिङ, गान्तोक, कालिम्पोङ, कुरसाङ र डुवर्स क्षेत्रमा रिलिज गरिएको छ । यी क्षेत्रमा नेपाली भाषी दर्शकहरूको बसोबास उल्लेख्य रहेकाले फिल्मले राम्रो व्यापार गर्ने अपेक्षा गरिएको छ ।
चर्चित हास्य कलाकार अर्जुन घिमिरे ‘पाँडे’को डेब्यु निर्देशकीय फिल्म ‘झरीपछिको इन्द्रेणी’ आगामी पुष ४ गतेदेखि प्रदर्शनमा आउने भएको छ । बिहीबार निर्माण पक्षले सार्वजनिक गरेको गीत रिलिजको ‘काउन्टडाउन’ पोस्टरमा उक्त मिति उल्लेख छ । पुष १० गते परेको क्रिसमस डेको विदालाई लक्षित गर्दै फिल्मको प्रदर्शन मिति तय गरिएको देखिन्छ ।
२०७६ सालमा फिल्म ‘सेल्फी किङ’ निर्देशन गरेका विशाल सापकोटाले अमेरिकामा सर्ट फिल्म बनाएका छन् । उनले लेखन तथा निर्देशन गरेको फिल्म ‘वन इन अ मिलियन’ बुधबार युट्युबमा सार्वजनिक गरिएको छ । हिँडेर अमेरिका जाने एक नेपाली युवाको संघर्षको कथामा आधारित यो फिल्म करिब १४ मिनेट लामो छ । यसमा संवादको प्रयोग गरिएको छैन ।
देशभक्ति भावनाको कथावस्तुमा आधारित फिल्म ‘यो मन त मेरो नेपाली हो’ले अमेरिकामा अवार्ड जित्न सफल भएको छ । क्यालिफोर्निया राज्यको सान फ्रान्सिस्को सहरमा आयोजित ‘सान फ्रान्सिस्को इन्टरनेशनल न्यू कन्सेप्ट फिल्म फेस्टिभल’मा फिल्मले उत्कृष्ट कथानकको अवार्ड जितेको हो । कार्यक्रममा फिल्मका निर्देशक मित्र प्रधान (नर)ले अवार्ड ग्रहण गरेका थिए ।
यम शेर्पाको निर्देशनमा बनेको फिल्म ‘मिरमिरे’को पहिलो चरणको पोस्टर सार्वजनिक गरिएको छ । खुसी र निराशको भाव मिश्रित दुई पोस्टरमा फिल्मका चार मुख्य कलाकारलाई प्रस्तुत गरिएको छ । एउटा पोस्टरमा दयाहाङ राई र एक बाल कलाकार निराश मुद्रामा देखिएका छन् । यसबाट फिल्ममा उनीहरू बाबु-छोरीको भूमिकामा रहेको अनुमान गर्न सकिन्छ ।
सरकारले फागुन २१ गतेलाई प्रतिनिधि सभाको निर्वाचनको मिति घोषणा गरेसँगै यतिबेला नयाँ दल गठनको दौड तीव्र बनेको छ । दिनहुँ निर्वाचन आयोगमा पार्टी दर्ताका लागि निवेदन परिरहेको छ । नयाँ पार्टीहरू खुलेसँगै त्यसमा विभिन्न क्षेत्रका व्यक्तिहरू जोडिरहेका छन् । यसबाट कलाकारहरू पनि अछुतो छैनन् । अहिले एकपछि अर्का कलाकारहरू नयाँ पार्टीमा भित्रिरहेका छन् ।
