Nepal's No.1 Filmy Web Magazine

नेपाली फिल्ममा दशकौंदेखि स्थापित हिरोको परम्परागत मानकभित्र अटाउने अनुहार हुन्, अरुण क्षेत्री । मिलेको जिउडाल, अग्लो कद र चकलेटी लुक्सका कारण पहिलो फिल्म ‘महापुरुष’बाटै उनी चर्चामा आएका थिए । त्यस फिल्ममा उनको अभिनयको पनि प्रशंसा भएको थियो । तर, ठूलो ‘स्टारकास्ट’ हुँदा फिल्म सफल भए पनि उनी कहीँ न कहीँ छायाँमा परेका थिए ।

२०८० सालमा प्रदर्शन भएको ‘अगस्त्य’बाट एक्सन फिल्म निर्देशनमा राम्रो सम्भावना देखाएका सौरभ चौधरीले आफ्नो नयाँ फिल्म ‘द राइज अफ साम्राज्य’को निर्माण घोषणा गरेका छन् । उनले सोमबार थिम पोस्टर सार्वजनिक गर्दै फिल्मबारे जानकारी गराएका हुन् । आगामी भदौबाट पूर्वको कोशी ब्यारेक क्षेत्रमा छायांकन हुने फिल्म अहिलेसम्मकै ठूलो क्यानभासमा बन्ने जनाइएको छ । 

गायक तथा कलाकार अशोक दर्जीले आफूमाथि कुटपिट गर्ने २ जनाविरुद्ध प्रहरीमा उजुरी दिएका छन् । उनले बिर्तामोडको अनारमनी इलाका प्रहरी कार्यालयमा सोमबार निवेदन दिएका हुन् । निवेदनमा उनले आफूमाथि भएको कुटपिटको घटना एक महिना अगाडिको रहेको उल्लेख गरेका छन् । उनका अनुसार उनीहरूले एक हजार चोरेको भन्दै कुटपिट गरेका थिए ।

गीतकार तथा स्त्रीरोग विशेषज्ञ डा. भोला रिजालका छोरा डा. कपिल रिजालको निर्देशनमा बनेको फिल्म ‘गौँथली’ले घरेलु बक्स अफिसमा आक्रामक व्यापार गरेको छ । साउन १ गतेबाट प्रदर्शनमा आएको फिल्मले १० दिनमा साढे ७ करोड नजिक व्यापार गरेको चलचित्र विकास बोर्डको तथ्यांकमा देखिन्छ । फिल्मको यो कमाइ हिजो आइतबार (१० साउन)सम्मको हो । 

यही साउन २२ गतेबाट प्रदर्शन हुन लागेको फिल्म ‘हली’ले विशेष शोमा सकारात्मक प्रतिक्रिया पाएको छ । शनिबार काठमाडौँको कमलपोखरीस्थित बिग भुमिजमा आयोजित विशेष प्रदर्शनीमा सहभागी विभिन्न क्षेत्रका व्यक्तिहरूले फिल्मको कथावस्तु, प्रस्तुति र कलाकारहरूको अभिनयको खुलेर प्रशंसा गरे । फिल्मले समाजमा गहिरो सन्देश दिने अधिकांशको प्रतिक्रिया थियो ।

अभिनेत्री प्रियंका कार्कीको अभिनय तथा निर्माण रहेको फिल्म ‘मास्टर्नी’को टिजर सार्वजनिक गरिएको छ । आइतबार सार्वजनिक १ मिनेट लामो टिजरले फिल्मको कथावस्तुबारे प्रकाश पारेको छ । आफ्नी छोरीका लागि एउटी आमाले गरेको संघर्षलाई टिजरमा मर्मस्पर्शी ढंगले चित्रण गरिएको छ । फिल्ममा प्रियंकाले आमाको भूमिकामा अभिनय गरेकी छन् ।