Nepal's No.1 Filmy Web Magazine

तमिल सुपरस्टार थलपति विजय अभिनीत फिल्म ‘जन नायगन’ले रिलिजसँगै बक्स अफिसमा धमाका मच्चाएको छ । तमिलनाडुको मुख्यमन्त्री बनेपछि विजयको यो पहिलो फिल्म हो भने उनको अभिनय करिअरको अन्तिम फिल्म पनि हो । यसैले फिल्मप्रति दर्शकमा ठूलो उत्साह देखिएको थियो । त्यसको प्रत्यक्ष प्रभाव पहिलो दिनको बक्स अफिस कमाइमा परेको छ ।

अघिल्लो साता प्रदर्शनमा आएको फिल्म ‘गौँथली’को पहिलो साता उत्साहजनक रह्यो । ओपनिङ दयनीय भए पनि दर्शकीय प्रतिक्रियाका कारण दोस्रो दिनबाट फिल्मले व्यापारिक गति समातेको थियो । मंगलबार र बुधबार ‘हाफ टिकट डे’मा देशव्यापी ९० प्रतिशत हाराहारी अकुपेन्सी हासिल गरेको फिल्मले त्यसयता पनि दर्शकको राम्रो साथ पाइरहेको छ । 

अभिनेता नाजिर हुसेनले आफ्नो नामकै कारण दोस्रो पटक भारतीय विमानस्थलमा अनावश्यक सोधपुछमा परेको गुनासो गरेका छन् । उनले बिहीबार फेसबुकमा एक पोस्ट लेख्दै भारतमा आफू अभिनीत फिल्म ‘गुन्यो चोलो’को विशेष प्रदर्शनीमा सहभागी भएर नेपाल फर्किने क्रममा विमानस्थलका सुरक्षाकर्मीले आफूलाई छुट्टै कक्षमा लगेर सोधपुछ गरेको बताएका हुन् ।

नेपालीमा एउटा चर्चित उखान छ, ‘कहिले काहीँ नपत्याउने खोलाले पनि बगाउँछ ।’ अहिले फिल्म ‘गौँथली’को व्यापारले यही उखानलाई चरितार्थ गरिदिएको छ । प्रदर्शनपूर्व ‘चल्ला र ?’ भनेर आशंका गरिएको फिल्मले शनिबारयता निरन्तर व्यापार बढाइरहेको छ । बुधबारसम्म आइपुग्दा फिल्मले बक्स अफिसमा ठूलो सफलता हासिल गर्ने संकेत देखाइसकेको छ ।

‘दान्भी’ निर्देशक रुपेश तामाङको नयाँ फिल्म ‘एक्का तीन’मा कलाकारको ‘लाइनअप’ बलियो बनेको छ । पूजा शर्मा र पुष्प खड्का अनुबन्धित भइसकेको यस फिल्ममा अब अभिनेत्री कविता नेपाली भित्रिएकी छन् । उनीसँग सोमबार निर्देशक तामाङले लिखित सम्झौता गरेका हुन् । सोमबार उनको जन्मदिन पनि परेको थियो ।