Nepal's No.1 Filmy Web Magazine

प्रतिनिधि सभाको निर्वाचनको मिति नजिकिँदै गर्दा कलाकारहरूको राजनीतिक सक्रियता बढ्दै गएको छ । फिल्ममा स्थापित कलाकारहरू विभिन्न राजनीतिक दलमा आबद्ध भइरहेका छन् । अब यो सूचीमा अभिनेत्री लक्ष्मी बर्देवा पनि थपिएकी छन् । उनी राष्ट्रिय स्वतन्त्र पार्टी (रास्वपा)बाट राजनीतिमा होमिएकी हुन् । उनलाई पार्टीको केन्द्रीय सदस्यमा नै बनाइएको छ । 

केही दिनअघि अभिनेता दीपकराज गिरीले फेसबुकमा एक पोस्ट लेख्दै आगामी फिल्ममा अन्यायविरुद्ध निर्वाचनमा होमिएको उम्मेदवारको रुपमा आफू प्रस्तुत हुने जानकारी गराएका थिए । तर, उनले फिल्मको नाम खुलाएका थिएनन् । निकट स्रोतका अनुसार उनी उम्मेदवारको भूमिकामा देखिने फिल्मको नाम ‘छ माया छपक्कै २’ हो । 

अभिनेता रमेश उप्रेती राजसंस्था पक्षधर मानिन्छन् । उनले सार्वजनिक मञ्चहरूमा खुलेरै देश बचाउन राजाको विकल्प नभएको भन्ने अभिव्यक्ति दिइरहेका हुन्छन् । यसैले उनको छवि नै राजावादी कलाकारको रूपमा बनेको छ । यस्तैमा, उनले राजतन्त्रको माग गर्ने पार्टी राप्रपाका अध्यक्ष राजेन्द्र लिङ्देनसँग भेट गरेपछि त्यसले राजनीतिक र फिल्म वृतमा तरंग ल्याएको छ । 

देशको समसामयिक राजनीतिक र सामाजिक विषयमा केन्द्रित रहेर निर्माण भएको फिल्म ‘बिगुल’को ट्रेलर सार्वजनिक गरिएको छ । तीन मिनेट लामो ट्रेलरमा विकृत राजनीतिक खेलले जनतामा छाएको निराशा, युवापुस्ताको आक्रोश, पारिवारिक उल्झन, दुई पुस्ताबीचको वैचारिक मतभेद, सामाजिक न्याय जस्ता विषयलाई प्राथमिकताका साथ देखाइएको छ ।

तमिल सुपरस्टार थलापति विजय करिब एक वर्षपछि नयाँ फिल्म ‘जन नेता’मा देखिँदैछन् । यही जनवरी ९ मा रिलिज हुन लागेको यो फिल्म उनका प्रशंसकका लागि यसकारण पनि खास छ कि यो विजयको अन्तिम फिल्म हो । अब उनी अभिनय करिअर छाडेर पूर्णकालीन राजनीतिमा होमिँदैछन् । त्यसका लागि उनले आफ्नो नेतृत्वमा पार्टी समेत गठन गरिसकेका छन् । 

आमा-छोराको भावनात्मक सम्बन्धको कथामा आधारित फिल्म ‘आ बाट आमा’मा नेवारी गीत पनि समावेश गरिने भएको छ । दुई साताअघि युट्युबमा सार्वजनिक भएको फिल्मको शीर्ष गीत ‘सृष्टिकै पहिलो नाम’लाई निर्माण पक्षले नेवारी भाषामा रेकर्ड गराएको छ । गीतमा गायक तथा कलाकार यमन श्रेष्ठले स्वर दिएका छन् । उनी चर्चित हास्य कलाकार मदनकृष्ण श्रेष्ठका छोरा हुन् ।