Nepal's No.1 Filmy Web Magazine
गत वर्ष प्रदर्शनमा आएको फिल्म ‘प्रेमगञ्ज’ले बक्स अफिसमा पैसा नकमाए पनि तारिफ कमाएको थियो । यही फिल्मबाट निर्देशक बनेका परिच्छेद सेनले निर्देशनमा राम्रो सम्भावना देखाएका थिए । उनको कथावाचन शैलीको प्रशंसा भएको थियो । अब उनले ‘महाराजधिराज’ शीर्षकमा नयाँ फिल्म बनाउने भएका छन् । घटस्थापनाको अवसर पारेर फिल्मको निर्माण घोषणा गरिएको छ ।
कवि उपेन्द्र सुब्बाको डेब्यू निर्देशित सुपरहिट फिल्म ‘जारी’ डिजिटल रिलिज भएको छ । नेपालको ‘नम्बर वान’ ओटीटी प्लेटफर्म सिनेमाघर एपमा दशैंको छेको पारेर घटस्थापनाबाट फिल्मलाई रिलिज गरिएको हो । हलमा सफल भएपछि एपमा यो फिल्मको सर्वाधिक डिमान्ड थियो । २ सय रुपैयाँ शुल्क राखिएको फिल्मलाई सिनेक्वाइन प्रयोग गरेर निःशुल्क पनि हेर्न पाइने व्यवस्था छ ।
दशैंको माहोल सुरु भएसँगै शुक्रबारदेखि सार्वजनिक प्रदर्शनमा आएको फिल्म ‘परदेशी २’प्रति दर्शकको राम्रो आकर्षण देखिएको छ । शुक्रबार ठीकठाक रहेको फिल्मको अकुपेन्सी शनिबार समग्रमा ७० प्रतिशतसम्म रह्यो । यसलाई अहिलेको अवस्थामा सुखद् मान्न सकिन्छ । बलियो ‘वर्ड अफ माउथ’ रहेकाले आइतबार घटस्थापनाको विदाको फाइदा पनि फिल्मले राम्रो उठाउन सक्नेछ ।
हाँस्य चरित्रमा निकै रुचाइएका अभिनेता हुन्, टीकू तलसानिया । रंगमञ्च हुँदै फिल्मसम्मको यात्रा तय गरेका उनले २५० भन्दा बढी फिल्ममा काम गरिसकेका छन् । सन् १९८६ मा आएको फिल्म ‘प्यार के दो पल’बाट बलिउडमा उनले ब्रेक पाएका थिए । १९९३ मा आएको फिल्म ‘वक्त हमारा है’मा कमेडी भूमिकाबाट हटेर गम्भीर चरित्र निर्वाह गरेका उनीसँग अहिले भने एउटै फिल्म छैन ।
करिब १२ वर्षपछि निर्देशक शंकर घिमिरे फिल्म ‘तेल भिसा’बाट निर्माण र निर्देशनमा फर्किँदैछन् । २ महिनाअघि फिल्मका लागि मुख्य भूमिकामा उनले अभिनेता विपिन कार्कीलाई अनुबन्धित गरेका थिए । फिल्ममा उनको दोहोरो भूमिकामा हुने जनाइएको छ । आगामी फागुनदेखि नेपाल र अमेरिकामा छायांकन हुन लागेको फिल्ममा अन्य कलाकार तथा प्राविधिक छनोट हुन बाँकी छन् ।
