Nepal's No.1 Filmy Web Magazine

लभस्टोरीमा अब्बल मानिएका निर्देशक सुदर्शन थापा २ वर्षपछि निर्देशनमा फर्किँदैछन् । उनी अभिनेता प्रदीप खड्कालाई लिएर फिल्म ‘शुभ विवाह’ बनाउने तयारीमा छन् । प्रदीपसँग उनले एक दशकपछि काम गर्न लागेका हुन् । यसअघि यो जोडीले ‘प्रेमगीत’ जस्तो कालजयी फिल्ममा सहकार्य गरेका थिए । यसैले उनीहरूको नयाँ फिल्मलाई लिएर दर्शकमा उच्च चासो देखिएको छ ।

नेपाली फिल्म क्षेत्रमा एउटा कहावत दशर्कौंदेखि चर्चित छ, ‘फिल्म बनाउनभन्दा चलाउन गाह्रो हुन्छ ।’ हुन पनि फिल्म त पैसा भएपछि बन्छ । तर, फिल्म चलाउन पैसाभन्दा ठूलो रणनीति र योजना चाहिन्छ । अहिलेको समयमा यो मितिमा फिल्म आउँदैछ भनेर मात्र पुग्दैन । फिल्मप्रति दर्शकमा उत्सुकता जगाउन सक्ने प्रचार शैली सबैभन्दा महत्त्वपूर्ण हुन्छ । 

अभिनेत्री रेखा थापाको ८ वर्षपछिको निर्देशकीय कमब्याक फिल्म ‘माया भनेकै यस्तो होला’को फर्स्टलुक पोस्टर सार्वजनिक गरिएको छ । तीजको छेको पारेर भदौ २६ गतेबाट प्रदर्शनमा आउन लागेको यस फिल्मको सार्वजनिक पोस्टरमा अभिनेता दिल श्रेष्ठलाई केन्द्रमा राखिएको छ । उनको विवाहअघि हल्दी कार्यक्रम भइरहेको देख्न सकिन्छ । 

अभिनेता निखिल उप्रेतीको निर्देशकीय कमब्याक फिल्म ‘आचार्य’को प्रदर्शन मितिलाई लिएर देखिएको अन्योल अन्ततः हटेको छ । यसअघि साउन २९ गते प्रदर्शन हुने चर्चा भएको यो फिल्म अब विजयादशमी (दशैं)को छेको पारेर आगामी असोज ९ गतेबाट प्रदर्शनमा आउने भएको छ । फिल्म निकट स्रोतले यसको पृष्टि गरेको हो । 

नेपालको पुरानो नाट्य समूह सर्वनाम थिएटरले बालबालिकामा रहेको अभिनय प्रतिभाको पहिचान, विकास र प्रवर्द्धन गर्ने उद्देश्यले राष्ट्रव्यापी बाल अभिनय प्रतियोगिता आयोजना गर्ने भएको छ । ‘म पनि एक्टर’ नाम दिइएको प्रतियोगितामा ५ देखि १५ वर्ष उमेर समूहका बालबालिकाहरूले सहभागिता जनाउन सक्नेछन् । 

शरीरमा पेट्रोल छर्किएर आत्मदाहको प्रयास गरेका मुगुका २५ वर्षिय गणेश नेपालीको उपचारको क्रममा शुक्रबार बिहान निधन भएपछि सामाजिक सञ्जालमा सरकारको आलोचना र विरोध हुन थालेको छ । कलाकारहरूले पनि उनको निधन राज्यको गम्भीर लापरवाहीको परिणाम रहेको भन्दै निष्पक्ष अनुसन्धान र कारवाहीको माग गरिरहेका छन् ।