Nepal's No.1 Filmy Web Magazine
२०८१ सालमा फिल्म ‘बुलाकी’बाट लेखन विधामा राष्ट्रिय अवार्ड जितेका निर्देशक राजबहादुर सानेले नयाँ फिल्मको घोषणा गरेका छन् । नयाँ वर्ष २०८३ तथा आफ्नो जन्मदिनको अवसर पारेर मंगलबार उनले फिल्म ‘गंगारानी’ निर्माणको घोषणा गरेका हुन् । फिल्मको घोषणासँगै थिम पोस्टर पनि सार्वजनिक गरिएको छ ।
अन्जन शर्मा र काजी लिम्बूको संयुक्त निर्देशनमा बनेको फिल्म ‘जदौ’ रक्षा बन्धनको अवसर पारेर भदौ १२ गतेबाट प्रदर्शनमा आउने भएको छ । मंगलबार नयाँ वर्षको अवसरमा निर्माताले फिल्मको दुईवटा पोस्टर सार्वजनिक गर्दै प्रदर्शन मितिबारे जानकारी गराएका हुन् । यो मितिमा अरु दुई फिल्म ‘बेहुली’ र ‘पार्वती’ पनि प्रदर्शन हुँदैछन् ।
अभिनेता विजय बराल र अभिनेत्री पूजा शर्मा पहिलो पटक फिल्ममा एकसाथ देखिने भएका छन् । मुस्कान ढकालको निर्देशनमा बन्न लागेको नयाँ फिल्म ‘रत्यौली’मा उनीहरूको जोडी बाँधिन लागेको हो । मंगलबार नयाँ वर्षको अवसरमा निर्माण पक्षले दुवैलाई प्रस्तुत गर्दै फिल्मको आधिकारिक पोस्टर पनि सार्वजनिक गरेको छ ।
यस वर्षको विजयादशमीमा रिलिज हुने भनिएको फिल्म ‘महाराजधिराज’मा अभिनेता पुष्प खड्काको प्रवेश भएको छ । मंगलबार नयाँ वर्षको अवसरमा निर्माण पक्षले एक पोस्टर सार्वजनिक गर्दै उनलाई फिल्मको मुख्य भूमिकामा अनुबन्धित गरिएको जानकारी दिएको हो । पोस्टरमा पुष्पलाई नग्न र राजकीय अवतारमा देख्न सकिन्छ ।
अभिनेता जितु नेपालले मुख्य भूमिकामा अभिनय गरेको फिल्म ‘कार्की साइँला’ आगामी साउन १ गतेबाट प्रदर्शनमा आउने भएको छ । मंगलबार नयाँ वर्षको अवसर पारेर निर्माण पक्षले फर्स्टलुक पोस्टर सार्वजनिक गर्दै प्रदर्शन मितिबारे जानकारी गराएको हो ।
वसन्त निरौलाको निर्देशनमा निर्माण भइरहेको फिल्म ‘पाँच पाण्डव’मा अभिनेता सुशील सिटौलाको प्रवेश भएको छ । निर्माताले उनलाई सोमबार फिल्मको मुख्य भूमिकामध्ये एकमा अनुबन्धित गरेका हुन् । यसअघि उक्त भूमिकामा कलाकार सागर लम्साल ‘बले’ थिए । उनीमाथि बलात्कारको आरोप लागेपछि निर्माताले उनलाई फिल्मबाट निष्कासन गरेका हुन् ।
