Nepal's No.1 Filmy Web Magazine

संविधान दिवसको अवसर पारेर असोज २ गतेबाट प्रदर्शन हुन लागेको फिल्म ‘कार्की साइँला’को ट्रेलर सार्वजनिक गरिएको छ । बाढीका कारण केही दिन प्रचारप्रसार स्थगित गरेको निर्माण टिमले मंगलबार तीन मिनेट लामो ट्रेलर दर्शकमाझ ल्याएको हो । ग्रामीण भेगमा भारी बोकेर जीविकोपार्जन गर्ने भरियाको जीवन संघर्षलाई ट्रेलरले प्रस्तुत गरेको छ ।

आगामी असोज २ गतेबाट प्रदर्शनमा आउन लागेको फिल्म ‘माया बस्छ कि के हो !’को ट्रेलर सार्वजनिक गरिएको छ । तीन मिनेट लामो ट्रेलरले फिल्मका मुख्य जोडी सोनाल लामा र कस्मता निरौलाको प्रेम सम्बन्धमा आउने उतारचढावलाई प्रस्तुत गरेको छ । अध्ययन र रोजगारीका लागि विदेशिएका युवाको संघर्षलाई पनि ट्रेलरमा देखाइएको छ । 

नेपालमा फिल्म रिलिजका लागि दशैंभन्दा ठूलो हानाथाप हुने समय अर्को छैन । लामो विदा र दर्शक ‘फेस्टिभ मूड’मा हुने भएकाले अन्य समयको तुलनामा दशैंमा हलमा दर्शकको चाप बढी हुने गरेको छ । यसैले फिल्म रिलिजका लागि हरेक निर्माताको पहिलो रोजाइ दशैं नै हुने गर्छ । जसले गर्दा वर्षेनि दशैंमा फिल्मको रिलिजको चाप उच्च हुने गरेको छ । 

तपाईंले विश्वमा कुनै फिल्मलाई निर्माताले प्रदर्शनअघि नै ‘ब्लकबस्टर’ घोषणा गरेको सुन्नुभएको छ ? सायद छैन । किनकि, फिल्म प्रदर्शनअघि नै सफलताको घोषणा गर्नु आफैँमा हास्यास्पद हो । तर, अभिनेत्री प्रियंका कार्कीले आफ्नो फिल्म ‘मास्टर्नी’लाई प्रदर्शनअघि नै ‘ब्लकबस्टर’को ट्याग दिएकी थिइन् । फिल्मको टिजरमै ‘२०२६ को सबैभन्दा ठूलो ब्लकबस्टर’ लेखिएको थियो ।

वेब सिरिज ‘मिर्जापुर’को सफलतापछि त्यसकै कथालाई विस्तार गर्दै निर्माण भएको फिल्म ‘मिर्जापुर’ले भारतीय बक्स अफिसमा धूम मच्चाएको छ । गत शुक्रबारबाट प्रदर्शनमा आएको फिल्मले तीन दिनमै सय करोड नजिक व्यापार गरिसकेको छ । फिल्मको तीन दिनको व्यापार भारु ९३ करोड ७५ लाख नेट रहेको भारतीय मिडियाले जनाएका छन् ।

गत शुक्रबार (१२ भदौ)मा प्रदर्शनमा आएको फिल्म ‘पार्वती’ले घरेलु बक्स अफिसमा सुखद व्यापार गरेको छ । सोमबार चलचित्र विकास बोर्डले सार्वजनिक गरेको सिनेपाः विवरणअनुसार फिल्मले पहिलो १० दिनमा १ करोड ५८ लाख ८४ हजार १३६ रुपैयाँ ग्रस कमाइ गरेको छ । भदौ २१ गतेसम्म फिल्मका ५४ हजार ७३५ वटा टिकट बिक्री भएका छन् ।