Nepal's No.1 Filmy Web Magazine

गायक रामकृष्ण ढकालले पहिलो पटक निर्माण गरेको फिल्म ‘मालती मंगले’ यतिबेला विदेशमा प्रदर्शनमा भइरहेको छ । अमेरिकापछि मंगलबार अस्ट्रेलियाको सिड्नीस्थित ग्रान्ड प्यालेस ओभनमा फिल्मको रेड कार्पेट प्रिमियर आयोजना गरिएको थियो । गायक ढकाल स्वयं उपस्थित रहेको फिल्मको प्रिमियर दर्शकको उत्साहजनक उपस्थितिले स्मरणीय बनेको छ । 

कलाकार तथा रंगकर्मी माओत्से गुरुङले अभिनयमा गहिरो छाप छाडेका छन् । ५० भन्दा बढी फिल्ममा अभिनय गरिसकेका उनले ‘दयारानी’बाट मूलधारको फिल्म निर्देशनमा समेत डेब्यू गरे । उनलाई पहिलो फिल्मबाटै व्यावसायिक सफलता मिल्यो । अब उनी निर्देशित दोस्रो फिल्म ‘पेन्सन पट्टा’ तीजको छेको पारेर भदौ २६ गतेबाट प्रदर्शनमा आउने तयारीमा छ । 

कीर्तिमानी फिल्म ‘पूर्णबहादुरको सारङ्गी’का अभिनेता विजय बरालको मुख्य भूमिका रहेको फिल्म ‘सिन्दुरे जात्रा’को छायांकन सकिएको छ । मंगलबार पर्वत जिल्लाको कुश्मा नगरपालिकास्थित आर्थर डाँडाखर्क गाउँमा अन्तिम दृश्य खिचिएसँगै ४० दिनमा फिल्मको छायांकन पूरा भएको हो । फिल्मको छायांकन विशेष परिस्थितिका कारण दुई चरणमा भएको थियो । 

चर्चित स्टोरीटेलर तथा अभिनेता साइग्रेस पोखरेललाई मुख्य भूमिकामा लिएर फिल्म ‘फलानो ढिस्कानो’ बन्ने भएको छ । मंगलबार काठमाडौंमा आयोजित एक कार्यक्रमका बीच फर्स्टलुक पोस्टर सार्वजनिक गर्दै फिल्मको औपचारिक निर्माण घोषणा गरियो । यो साइग्रेसको अभिनयको हिसाबले तेस्रो फिल्म हुनेछ भने मुख्य अभिनेताको रूपमा पहिलो फिल्म हो ।

नेपाली फिल्ममा दशकौंदेखि स्थापित हिरोको परम्परागत मानकभित्र अटाउने अनुहार हुन्, अरुण क्षेत्री । मिलेको जिउडाल, अग्लो कद र चकलेटी लुक्सका कारण पहिलो फिल्म ‘महापुरुष’बाटै उनी चर्चामा आएका थिए । त्यस फिल्ममा उनको अभिनयको पनि प्रशंसा भएको थियो । तर, ठूलो ‘स्टारकास्ट’ हुँदा फिल्म सफल भए पनि उनी कहीँ न कहीँ छायाँमा परेका थिए ।

२०८० सालमा प्रदर्शन भएको ‘अगस्त्य’बाट एक्सन फिल्म निर्देशनमा राम्रो सम्भावना देखाएका सौरभ चौधरीले आफ्नो नयाँ फिल्म ‘द राइज अफ साम्राज्य’को निर्माण घोषणा गरेका छन् । उनले सोमबार थिम पोस्टर सार्वजनिक गर्दै फिल्मबारे जानकारी गराएका हुन् । आगामी भदौबाट पूर्वको कोशी ब्यारेक क्षेत्रमा छायांकन हुने फिल्म अहिलेसम्मकै ठूलो क्यानभासमा बन्ने जनाइएको छ ।