Nepal's No.1 Filmy Web Magazine
भदौ १२ गतेबाट प्रदर्शनमा आएको फिल्म ‘पार्वती’को पहिलो दिनको कमाइ पूर्वघोषणाअनुसार प्रधानमन्त्री दैवी प्रकोप उद्धार कोषमा सहयोग गरिएको छ । सोमबार फिल्मकी निर्देशक तथा अभिनेत्री नीता ढुंगानाले अर्थ मन्त्रालय पुगेर अर्थमन्त्री डा. स्वर्णिम वाग्लेलाई ११ लाख ३ हजार २७० रुपैयाँको चेक हस्तान्तरण गरेकी हुन् ।
भदौ १० गते तिब्बततर्फबाट भोटेकोशी नदीमा आएको विनाशकारी बाढीले रसुवादेखि धादिङ−नुवाकोटसम्म ठूलो क्षति पुर्याएको छ । बाढीका कारण हजारौँ नेपाली घरबारविहीन भएको अवस्थामा कलाकारहरूले आर्थिकदेखि आवश्यक विभिन्न सामग्री सहयोग गरिरहेका छन् । अभिनेत्री प्रियंका कार्कीले पनि आफ्नो पहलमा ठूलो मात्रामा जिन्सी सहयोग जुटाएकी छन् ।
सर्वकालीन ब्लकबस्टर फिल्म ‘गौँथली’ले घरेलु बक्स अफिसमा साढे २५ करोडमाथिको व्यापार गरेको छ । सोमबार चलचित्र विकास बोर्डले सार्वजनिक गरेको सिनेपाः विवरणअनुसार १४ भदौ (आइतबार)सम्म फिल्मले २५ करोड ६८ लाख ६२ हजार ८० रुपैयाँ ग्रस कमाएको छ । उक्त अवधिसम्म फिल्मका ९ लाख ३१ हजार ६२७ वटा टिकट बिक्री भएका छन् ।
भदौ १० गते भोटेकोशी नदीमा आएको बाढीका कारण ठूलो जनधनको क्षति भएपछि त्यसको असर नेपाली फिल्म क्षेत्रमा पनि परेको छ । यो अवस्थामा मनोरञ्जनका गतिविधि गर्नु उचित नहुने भन्दै एकपछि अर्को फिल्मले प्रदर्शन मिति स्थगित गरिरहेका छन् । यस्तैमा भदौ २६ गते प्रदर्शन हुने भनिएको फिल्म ‘माया भनेकै यस्तो होला’ पनि निर्धारित मितिमा नआउने भएको छ ।
साउथ सुपरस्टार यश अभिनीत फिल्म ‘टक्सिक : अ फेयरी टेल फर ग्रोन-अप्स’ एक साता पनि नबित्दै बक्स अफिसमा कमजोर देखिन थालेको छ । दर्शक र समीक्षकबाट राम्रो प्रतिक्रिया नपाउँदा फिल्मको व्यापारमा भारी गिरावट आइरहेको छ । दोस्रो दिनमै फिल्मको कमाइमा ६२.८ प्रतिशत गिरावट आएको थियो । त्यसयता पनि फिल्मको कमाइ निरन्तर घटिरहेको छ ।
भदौ १० गते रसुवाको भोटेकोशी नदीमा आएको बाढीका कारण ठूलो जनधन र भौतिक क्षति भएपछि विभिन्न क्षेत्रका व्यक्तिहरूले राहत, उद्दार र पुनर्निर्माणका लागि आर्थिक सहयोग गरिरहेका छन् । नेपाली फिल्म क्षेत्रबाट पनि सहयोग जुट्ने क्रम जारी छ । ‘महजोडी’देखि दीपकराज गिरी, दीपाश्री निरौला, विराज भट्ट, अनमोल केसीलगायतले आर्थिक सहयोग गरिसकेका छन् ।
