Nepal's No.1 Filmy Web Magazine

पछिल्लो समय नेपाली कलाकारहरूलाई विभिन्न ट्याग दिने चलन बढिरहेको समयमा अब यस सूचीमा विजय बराल पनि थपिएका छन् । उनलाई नयाँ फिल्म ‘जिरो डिग्री’मा ‘नेचुरल स्टार’को ट्याग दिइएको छ । बिहीबार सार्वजनिक फिल्मको टिजरमा उनलाई उक्त ट्याग दिइएको देख्न सकिन्छ । ‘पूर्णबहादुरको सारङ्गी’को सफलतापछि उनलाई ‘नेचुरल स्टार’ भन्न थालिएको थियो ।

चन्द्र पन्तको निर्देशनमा बन्न लागेको फिल्म ‘आ बाट आमा २’मा दोस्रो अभिनेत्रीको टुंगो लागेको छ । फिल्ममा निकिता आचार्य अनुबन्धित भएकी हुन् । बिहीबार काठमाडौंमा निर्देशक पन्त र निकिताबीच लिखित सम्झौता भएको हो । केही दिनअघि मात्र ‘मेरो डान्स युनिभर्स– २’की विजेता रिश्ता गुरूङलाई फिल्ममा अनुबन्धित गरिएको थियो । 

नेपाली फिल्मले बेला बखतमा अनौठा रेकर्ड बनाउँछन् । कति रेकर्ड यस्ता पनि हुन्छन्, जुन विश्वमै विरलै देख्न पाइन्छ । सबैभन्दा अनौठो रेकर्ड २०७९ सालमा फिल्म ‘शिवानी’ले बनाएको थियो । यो विश्वमै सबैभन्दा कम कमाउने फिल्ममा पर्छ । यसको कमाइ जम्मा ५२० रुपैयाँ थियो भने ५ वटा टिकट बिक्री भएका थिए । एक हजार पनि नकमाउने यो पहिलो नेपाली फिल्म हो ।

उच्च अदालत पाटनले फिल्म ‘लालीबजार’को प्रदर्शन रोक्न माग गर्दै परेको रिटमा अन्तरिम आदेश दिन पुनः अस्वीकार गरेको छ । बुधबार भएको सुनुवाइपछि उच्चका न्यायाधीश द्वय टंकप्रसाद गुरुङ र अच्युत कुईंकेलको संयुक्त इजलासले फिल्मका केही शब्द नसुन्ने बनाउन आदेश दिँदै फिल्मलाई निर्बाध रूपमा प्रदर्शन गर्न बाटो खुला गरेको हो । 

फिल्म ‘नाइँ नभन्नू ल ६’बाट अभिनेताको रूपमा डेब्यू गरेका आशीर्वाद क्षेत्रीले गएको ३ वर्षमा फिल्मभन्दा धेरै म्यूजिक भिडियोमा अभिनय गरिसकेका छन् । यो बीचमा उनका दुईवटा फिल्म प्रदर्शनमा आउँदा म्यूजिक भिडियो दुई दर्जनभन्दा बढी रिलिज भइसकेका छन् । यस्तैमा उनी अभिनीत नयाँ गीत ‘नौ डाँडा काटेर’ बुधबार युट्युबमा सार्वजनिक भएको छ ।

नेपालमा कलाकारहरूको मूल्यांकन प्रायः अभिनय क्षमता र स्टारडम (अत्याधिक प्रसिद्धि)को आधारमा हुने गरेको छ । दुवैको आफ्नै विशेषता भए पनि अक्सर चर्चामा स्टारडम भएका कलाकारहरू नै हुन्छन् । अभिनयमा उम्दा मानिने कलाकारहरू भने खासै ‘लाइमलाइट’मा आउन सकेका हुँदैनन् । त्यस्ता कलाकारलाई ‘अन्डरडग’ भन्ने गरिएको छ ।