Nepal's No.1 Filmy Web Magazine
यही शुक्रबार (१९ भदौ)बाट प्रदर्शनमा आउन लागेको फिल्म ‘एलिफेन्ट्स इन द फग’ (तिनीहरू)ले काठमाडौं प्रिमियरमा ५ मिनेट लामो ‘स्ट्यान्डिङ ओभेसन’ पाएको छ । बाढीपीडितको सहयोगार्थ बुधबार काठमाडौंको सुन्धारास्थित क्यूएफएक्स हलमा आयोजित च्यारिटीसहितको प्रिमियरमा फिल्म हेरेका दर्शकले ५ मिनेटसम्म टिमको सम्मानमा उभिएर ताली बजाएका थिए ।
भारतका प्रसिद्ध हिन्दू सन्त नीम करोली बाबाको जीवनबाट प्रेरित फिल्म ‘हनुमान अंश’ यतिबेला चर्चामा छ । त्यसको कारण हो, फिल्मको अप्रत्यासित कमाइ । ७ अगस्टमा प्रदर्शन भएको फिल्मले प्रदर्शनको दुई सातासम्म कमजोर कमाइ गरेको थियो । तर, प्रदर्शनको १७औं दिनबाट फिल्मको कमाइमा आएको उछाल चौथो सातासम्म पनि रोकिएको छैन ।
तीजको छेको पारेर भदौ २६ गतेबाट प्रदर्शनमा आउन लागेको फिल्म ‘अक्षरा’की अभिनेत्री न्यान्सी खड्काले नुवाकोटका बाढीपीडितलाई राहत सामग्री वितरण गरेकी छन् । गत बुधबार रसुवाको भोटेकोशी नदीमा आएको बाढीबाट घरबारविहीन भएका परिवारलाई उनले मंगलबार खाद्यान्न, लत्ताकपडा र फलफूल वितरण गरेकी हुन् ।
बलिउड अभिनेता सोनू सूद काठमाडौं आइपुगेका छन् । नेपालका बाढीपीडितलाई आश्रय, खाना र पुनर्निर्माणमा सहयोग गर्न उनी आफ्नो ‘सूद च्यारिटी फाउन्डेसन’को टिमसहित मंगलबार दिउँसो काठमाडौं आइपुगेका हुन् । उनलाई त्रिभुवन अन्तर्राष्ट्रिय विमानस्थलमा सिख धर्मालम्बीको अन्तर्राष्ट्रिय गैरनाफामूलक संस्था ‘खाल्सा एड’का प्रतिनिधिले स्वागत गरेका थिए ।
मुस्कान ढकालको लेखन तथा निर्देशनमा बन्न लागेको फिल्म ‘रत्यौली’को छायांकन सुरु भएको छ । मंगलबार बिहान काठमाडौंको गौशालास्थित पशुपतिनाथ क्षेत्रमा शुभ मुहूर्त गर्दै फिल्मको छायांकन थालिएको हो । दुई दिन काठमाडौंमा छायांकन गरेर फिल्मको टिम दोलखाको जिरी प्रस्थान गर्नेछ । त्यहाँ एक महिना फिल्मको छायांकन हुने निर्देशक ढकालले बताए ।
गत बुधबार रसुवाको भोटेकोशी नदीमा आएको विनाशकारी बाढीले देशमा निम्त्याएको महाविपत्तिलाई मध्यनजर गर्दै एकपछि अर्को फिल्मले प्रदर्शन मिति स्थगित गरिरहेका छन् । यसैक्रममा अर्को फिल्म ‘बा: एक योद्धा’ पनि पूर्वघोषित मितिमा नआउने भएको छ । यो फिल्म कृष्ण जन्माष्टमीको अवसर पारेर यही भदौ १९ गते रिलिज हुने तयारीमा थियो ।
