Nepal's No.1 Filmy Web Magazine

बि.सं. २०६७ सालमा रिलिज भएर सफलता हात पारेको फिल्म 'नाइ नभन्नु ल'को सिक्वेलको रूपमा 'नाइ नभन्नु ल २'को सुटिङ आज सोमबारबाट शुरू गरिएको छ । विकास आचार्यको निर्देशनमा अभिनेता तथा चर्चित भिजे सुरज सिंह ठकुरी र अभिनेत्री प्रियंका कार्कीले पहिलो टेक दिए ।
 

'तक्मे बुढा' हिट क्यारेक्टरलाई अब ठुलो पर्दामा पनि देख्न पाइने भएको छ । 'तक्मे बुढा लस्ट इन लण्डन' वर्किङ टाइटलमा फिल्म बनाउने गृहकार्य हुँदैछ ।

हिन्दी फिल्म 'तेरे इश्क में'को टाइटल गीतमा नेपाली पाश्र्व गायिका मनिषा पोखरेलको स्वर रेकर्ड गराइएको छ । सँगै उनले फिल्मको एउटा आइटम गीतमा पनि स्वर रेकर्ड गराएकी छिन् ।

चुरोट खाएको दृश्यलाई आधार बनाउँदै चलचित्र जाँच पास समितिले आगामी शुक्रबार रिलिज हुने फिल्म 'मधुमास'लाई 'पिजी' सर्टिफिकेट दिएको छ । तर, फिल्म निर्माता बाबुराम दाहालले 'धुम्रपान स्वास्थ्यका लागि हानिकारक छ' भन्ने सुचना राख्दा राख्दै पनि 'पिजी' सर्टिफिकेट दिएकोमा आपत्ति जनाए ।
 

मंसिर ४ को संविधान सभाको चुनावलाई मुख्य कारण बनाउँदै फिल्म अधकट्टीको सुटिङ पोस्टपोन्ड गरिएको छ । दशैं सेलिव्रेसन पछि चितवनबाट सुटिङ सुरु गर्ने भनिएकोमा मंसिरको पहिलो साताबाट मात्रै सुटिङ थालिने निर्माता प्रदिप कुमार उदयले जानकारी दिए ।

छविराज प्रोडक्सनको दोस्रो प्रस्तुती फिल्म 'लज्जा'को शुभ साइत गरिएको छ । बिहान कमलादी स्थित गणेशस्थान मन्दिरमा निर्माता छवि ओझा र निर्देशक नवल नेपालले फिल्मको सफलताको कामना गर्दै पूजाआजा गरे ।