Nepal's No.1 Filmy Web Magazine

एक्सन प्रधान फिल्म 'हँसिया'मा निर्देशक मिलन चाम्सले आइटम गीतलाई पनि एक्सन शैलीमा प्रस्तुत गरेको बताएका थिए । सोही एक्सन आइटम गीत रिलिज गरिएको छ जहाँ फिल्मकी मुख्य पात्र हेमा श्रेष्ठलाई अतिथी भूमिकामा प्रियंका कार्कीले साथ दिएकी छिन् ।

 

शिर्षकमा 'श्री ५' राखिएकाले ‘श्री ५ अम्बरे’ राजावादी फिल्म नभएको निर्देशक दिपा बस्नेतले बताएकी छिन् । ‘अन्तराल’ पछिको दोस्रो निर्देशकिय ‘श्री ५ अम्बरे’ कस्तो फिल्म हो त ? प्रेसमिटमा बोल्दै निर्देशक बस्नेतले भनिन्, ‘हाम्रो समाजमा कहीं कतै आफु राजा हुँ भन्ने आभास हुन्छ । यस्तै एउटा कुनै वर्ग भित्र राजा बन्ने सपना बोकेको एउटा पात्रको कथा नै ‘श्री ५ अम्बरे’ हो ।’

प्रियंका कार्कीको परिचय अब अभिनेत्रीमा मात्रै सिमित रहेन । फिल्म गीतको लागि आफ्नो स्वर रेकर्ड गराएर प्रियंकाले आफ्नो परिचय फराकिलो बनाएकी छिन् । आफु अभिनित फिल्म ‘आवरण’को शिर्ष गीतमा प्रियंकाले आफ्नो स्वर रेकर्ड गराएकी हुन् ।

साँगीतिक लभस्टोरी फिल्म 'धून'मा जीवन लुईटेल सहित केकी अधिकारी र मुकेश ढकालले पनि अभिनय गर्ने भएका छन् । कृष्ण पौडेलले निर्देशन गर्न लागेको यो फिल्ममा केकी र मुकेशलाई इन्ट्री गराईएको हो ।
 

फिल्म ‘ठूली’ का लागि अभिनेता जीवन लुईटेल फाइनल भएका छन् । शिर्ष भूमिकाको लागि अभिनेत्री गरिमा पन्त यसअघि नै फाइनल भैसकेकी छिन् । जीवन र गरिमा ‘ठूली’ मा अपोजिट भूमिकामा प्रस्तुत हुनेछन् ।

आज शुक्रबारबाट प्रदर्शनमा आएको फिल्म 'फिटकिरी'ले नेपाली क्रिकेटरहरुलाई पुरस्कृत गर्ने भएको छ। बंगलादेशमा जारी ट्वेन्टी–२० विश्वकपअन्तर्गत बिहीबार अफगानिस्तानविरुद्धको खेलमा छक्का र चौका प्रहार गर्ने तथा विकेट लिने नेपाली खेलाडीहरुलाई पुरस्कृत गरिन लागेको हो।