Nepal's No.1 Filmy Web Magazine
कमजोर 'भुत्ते' अवस्थामा रहेका नेपाली फिल्महरूको भिडमा 'छ एकान छ' फिल्म उत्कृष्ट बनेको निर्माता तथा कलाकार दिपकराज गिरीले दाबी गरेका छन् । सोमबार चितवनमा चलचित्र पत्रकार संघ चितवन शाखाले आयोजना गरेको एक कार्यक्रममा बोल्दै गिरीले आफ्नो फिल्म राम्रो बनेको दाबी गरेका हुन् ।
पुस २६ गते अल नेपाल प्रदर्शन हुने फिल्म ‘छ एकान छ’ प्रचारको लागी निर्माता समेत रहेका दिपकराज गिरी र दिपाश्री निर्रौलाको जोडी मोफसलतर्फ लागेको छ । दिपक र दिपा आज (पुस १५ गते) नारायणघाट तर्फ लागेका छन् ।
संकल्प र दृढ विश्वासले मनको चाहना पुरा गर्छ भन्ने पाठ अभिनेता गजित विष्टको दश बर्षे संघर्षशिल जीवनले दिन्छ । अभिनेता विष्ट जतिबेला विराटनगर गृह जिल्लामा नि.मा.वि तहको विद्यार्थी थिए, उनका सहपाठी डाक्टर, इन्जिनियर र पाइलट बन्ने सपना सुनाउँथे । गजितको हिरो हुने सपना सुन्दा ठुला व्यक्ति हाँस्थे । सहपाठीलाई गजितका कुरा पत्याउनै मुस्किल पर्थ्यो ।
पुसको जाडोमा कमलपोखरीस्थित विग मुभिजको फिल्म हल नेपाली फिल्मकर्मी तथा राजनीतिक नेता मज्जासँग जम्यो । साँझ ढल्कंदै गर्दा विग मुभिजमा फिल्म ‘बितेका पल’ प्रिमियरमा सहभागीको उपस्थिति बाक्लिदैं थियो ।
पुस चौधको फिल्म ‘बितेका पल’ प्रिमियर साँझमा अभिनेत्री केकी अधिकारी ‘मस्ट नोटिसेवल पर्सन’ बनिन् । फिल्ममा ‘नुमा’ क्यारेक्टरबाट केकीले जति तारिफ पाइन् त्यति नै तारिफ उनले प्रिमियर शोमा पहिरिएको ढाकाको गाउनबाट ।
रापति समाज काठमाण्डौको आयोजनामा हुन लागेको 'राष्ट्रिय रापति म्यूजिक अवार्ड ०७०'का लागि बिभिन्न २५ बिधामा परेका उत्कृष्ट पाँच संगीतकर्मीको नोमोनेशन सार्वजनिक गरिएको छ । जसमध्ये फिल्म क्षेत्रको बिधालाई पनि समेटिएको छ ।
