Nepal's No.1 Filmy Web Magazine

‘भूपेन र म एउटै कलेजमा पढ्छौं । एउटै कलेजमा पढ्ने हामीमा प्रेम बस्छ,’ अनामनगरको एउटा क्याफेमा अभिनेत्री सौजन्य सुब्बाले अभिनेता भूपेन चन्द र आफुबिच पर्दामा भएको प्रेमको पोको फुकाइन् । सौजन्यले सम्झिएजति प्रेमका प्रसंगहरु यसरी खोलिन्, ‘ऊप्रति मेरो प्रेम भएपनि म व्यक्त गर्न सक्दिन । मलाई लाग्छ उसले प्रेम प्रस्ताव राखिदिओस् ।’

वैशाख १२ गतदेखि काठमाण्डौ तथा मोफसलका पर्दाबाट एकसाथ प्रदर्शनमा आएको फिल्म ‘नोभेम्वर रेन’ को सुरुवाती व्यापार सुखद देखिएको छ । ‘नोभेम्वर रेन’ को शुक्रबारको व्यापारलाई वितरकले ‘ग्रान्ड ओपनिङ’ भनेका छन् ।

अभिनेता तथा निर्माता बिरेन श्रेष्ठले फिल्म निर्देशन गर्ने भएका छन् । फिल्मीखबरसँग बिरेनले भने, ‘मसँग तीन वटा स्क्रिप्ट छन् । चाँडै नै यी तीन मध्ये एउटा स्क्रिप्ट फाइनल गर्छु ।’

चलचित्र निर्देशक समाजको कार्यसमितिमा रहेका आधा दर्जन पदाधिकारीले आफ्नो पदबाट राजिनामा दिएका छन् । कार्यसमितिमा रहेका ६ जना पदाधिकारीले वैशाख १२ गते निर्देशक समाजको कार्यालयको दर्ता नम्बर ३३ मा राजिनामा पत्र दर्ता गराएका छन् ।

‘सुनगाभा’ निर्देशक सुवर्ण थापाले ‘फन्को’ नामक फिल्म निर्देशन गर्ने भएका छन् । ‘सुनगाभा’ मा समलिङ्गी युवतीको विषयलाई उठान गरेका निर्देशक थापाले ‘फन्को’ को विषयवस्तु भने गोप्य राखेका छन् ।

काठमाण्डौस्थित चावहिलको गोपिकृष्ण हलबाट फिल्म ‘कवड्डी’लाई उतारिएको छ । निर्माण युनिट र वितरक संस्था पपकर्न पिक्चर्सले ‘कवड्डी’लाई पहिलो शो पश्चात गोपिकृष्ण हलबाट उतारेको हो ।