Nepal's No.1 Filmy Web Magazine
निर्मात्री अभिनेत्री रेखा थापाले निर्देशक श्याम भट्टराईसँग माफी मागेकी छिन् । निर्माता संघका अध्यक्ष राजकुमार राईको रोहबरमा रेखाले श्यामसँग ‘हिम्मतवाली काण्ड’का लागि माफी मागेकी हुन् । रेखासँगै श्यामले पनि आइन्दा रेखाको विषयमा जथाभावी नबोल्ने सहमति गरेका छन् । निर्देशक श्याम भट्टराईले फेसबुकमा निर्माता संघका अध्यक्ष राजकुमार राईको रोहबरमा भएको सम्झौताको प्रतिलिपी पोष्ट गर्दै रेखासँगको सहमतिलाई सार्वजनिक गरेका हुन् ।
करिष्मा मानन्धरलाई लायन्स क्लप अफ काठमाडाडौले सम्मान गरेको छ । उनलाई शुक्रबार लायन्स क्लब अफ काठमान्डु डायमण्डले हरितालिका तिजको अवसर पारेर नौ महिलासँगै सम्मान गरेको हो । उनलाई नेपाली फिल्मी क्षेत्रमा विगत २५ वर्ष देखि निरन्तर योगदान गरेको भन्दै सम्मान गरिएको अयोजकले लायन्स क्लबले जनाएको छ ।
राजधानीमा अर्को मल्टिप्लेक्स थपिएको छ । शनिबार चलचित्र बिकास बोर्ड अध्यक्ष धर्मेन्द्र मरवैताले पानसमा बत्ति बालेर मल्टिप्लेक्सको उद्घाटन गरे । ‘सिटीम्याक्स’ शीर्षकको मल्टिप्लेक्स बागबजारमा खुलेको हो । मरेवैताले स्तरीय हलले स्तरीय नेपाली फिल्म निर्माणमा सघाऊ पु¥याउने विचार व्यक्त गरे ।
दिपक र दीपालाई विरलै अलग देखिन्छ । औपचारिक कार्यक्रमदेखि अनौपचारिक कार्यक्रमसम्म पनि उनीहरुसँगै आउँछन् र जान्छन् । तर यो पटक आफ्नो जीवनको महत्वपूर्ण दिनमा भने दीपा एक्लै देखिइन् । दीपाले आफ्नो जन्म दिन दीपकको उपस्थिति बिना मनाइन् । उसो त हाँस्यकलाकार दिपाश्री निरौलाको जन्मदिन शनिवार हो, तर उनले जन्मदिनको बर्थ डे केक भने शुक्रबार नै काटिन्, त्यो पनि उनका सहयात्री साथी दिपकराज गिरी बिना नै ।
स्वर्गिय अभिनेता श्रीकृष्ण श्रेष्ठको निर्माण तथा अभिनय रहेको फिल्म 'कोहिनूर' तेस्रो सातामा रिलिज हुँदैछ । सफलताकासाथ तेस्रो सातामा प्रदर्शनरत यो फिल्मसँगै आजै शुक्रबारबाट दुई नयाँं फिल्म 'ताण्डव' र 'ठूली' रिलिज भएका छन् ।
