Nepal's No.1 Filmy Web Magazine

भ्रष्टचारको कथालाई उठान गरेर निर्माण गरिएको फिल्म 'सम्बोधन'को प्रोमोश्नल गीतमा 'सरकारी कुत्ता' भन्ने शब्द प्रयोग गरिएको छ । गीतले कस्लाई सम्बोधन गरेर 'सरकारी कुत्ता' भन्यो ? फिल्म हेरेपश्चात नै थाहा हुने निर्माता सरोज न्यौपानेले बताए ।

फिल्म निर्देशनमा पहिलो पाइला चाल्न लागेका विप्लप आर पोखरेलले 'नभ्य' नामको फिल्म बनाउने भएका छन् । लु:ज: इन्टरटेन्मेन्टको व्यानरमा निर्माण हुन लागेको यो फिल्मले नेपाली समाजको यथार्थ कथालाई पस्कने बताईेको छ ।

अभिनेता सविन श्रेष्ठले फिल्म निर्माण गर्ने भएका छन् । वर्ष ०७२ सालमा प्रदर्शन गर्ने गरी सविनले फिल्म निर्माणको पूर्व तयारी थालेका हुन् । केही सातामै फिल्मको शिर्षक र निर्देशकको नाम सार्वजनिक गर्ने सविनले बताए ।

आउँदो भदौ महिनामा फिल्मको बाढी बग्ने भएको छ । भदौको चार हप्तामा कम्तीमा ८ वटा आश गरिएका फिल्म प्रदर्शन हुने पक्का छ । भदौको बाढीले कुन-कुन फिल्मको निर्मातालाई बचाउला र कसलाई बगाउला ? पर्खाइको विषय बनेको छ ।

चलचित्र विकास बोर्डले आयोजना गरेको राष्ट्रिय चलचित्र पुरस्कारका केहि बिधामा फिल्मकर्मीले आपत्ति जनाएका छन् । राष्ट्रपति निवासमा राष्ट्रपति रामवरण यादवको हातबाट बाँडिएको पुरस्कारप्रति आपत्ति जनाएपछि सरकारी निकायमाथि नै प्रश्न चिन्ह खडा भएको छ ।

मुटुमा समस्या आएपछि ४८ घण्टादेखि बाँसबारी स्थित शहीद गंगालाल हृदय रोग केन्द्रको सिसियु कक्षमा उपचारार्थ रहेका बरिष्ठ फिल्मकर्मी नीर शाहको स्वास्थ्य अवस्थामा सुधार आएको छ । परिवारले दिएको जानकारी अनुसार शाहले आज दिउँसोदेखि तरल पदार्थ पनि खान थालेका छन् ।