Nepal's No.1 Filmy Web Magazine
'सबै मिलेर एउटा तरंग ल्याउँ' भन्ने नाराका साथ शुक्रवारबाट राजधानीमा चार दिने ‘एकादेशमा फिल्म फेस्टिभल’ शुरु भएको छ । कुमारी हलमा आयोजित फेस्टिभलको उद्घाटन समारोहमा अभिनेता राजेश हमाल र अभिनेत्री गौरी मल्लसहित दर्जनौं फिल्मकर्मीको उपस्थिती थियो ।
प्रदर्शन हुनुभन्दा करिब ६ महिना अगावै फिल्म 'अझै पनि'को प्रेम दिवस बोलको गीत सार्वजनिक गरिएको छ । हरि लम्सालको स्वर तथा संगीत रहेको गीतमा संजिव थापाले मन छुने शब्द कोरेका छन् । आलोक नेम्वाडले यो भिडियोमा कलात्मक जादु प्रस्तुत गरेका छन् । पूनम गौतम र सुदर्शन थापाको निर्माणमा तयार भएको यो फिल्मलाई आलोक नेम्वाडले निर्देशन गरेका हुन् ।
फिल्म ‘पुनर्जन्म’को प्रोमो गीत रिलिज गरिएको छ । 'किन जिन्दगी अन्धकार लाग्छ' बोलको स्याड गीतमा अन्जु पन्तको स्वर रहेको छ भने शब्द तथा संगीत जयन्त शर्माको रहेको छ ।
निर्देशक राजु गिरीको नयाँ फिल्म 'टाइगर द रियल हिरो'लाई चलचित्र सेन्सर बोर्डले 'पिजी' सर्टिफिकेट दिएको छ । फिल्ममा समावेश केही दोहोरो अर्थ लाग्ने संवाद र 'हरर' दृश्यका कारण सेन्सरले 'पिजी' सर्टिफिकेट दिएको निर्देशक गिरीले जानकारी गराए ।
