बलिउड अभिनेता रितेश देशमुखलाई पुत्र लाभ भएको छ । मंगलबार उनको पत्नी तथा अभिनेत्री जेनेलिया डिसुजाले छोरालाई जन्म दिएकी हुन् । आफु पिता बनेको खबर रितेशले ट्वीटर मार्फत जानकारी गराएका हुन् ।
अस्पातालमै रहेकी जेनेलिया र उनको सन्तानको स्वस्थ्य राम्रो रहेको बताइएको छ । रितेश र जेनेलियालाई पुत्र लाभ भएकोमा बलिउडका हस्तीहरूले उनीहरूलाई बधाई दिएका छन् ।
रितेश र जेनेलियाले सन २०१२ मा प्रेम विवाह गरेका थिए । रितेश र जेनेलियाले 'तुझे मेरी कसम' र 'तेरे नाल लभ हो गया'मा सँगै अभिनय गरेका छन् । यि दुईको पहिलो भेट 'तुझे मेरी कसम' फिल्मको सुटिङको क्रममा भएको हो । रितेश र जेनेलिया बलिउडका कुशल कलाकार मानिन्छन् ।
