Nepal's No.1 Filmy Web Magazine
प्रणय दिवसको छेको पारेर माघ २३ गतेबाट प्रदर्शन हुन लागेको फिल्म ‘कुमारी’को प्रचार अभियान तीव्र भइरहँदा यसको निर्माण पक्षले लाहुरेको सहरको रुपमा चिनिने धरानको एक भवनमा विशाल पोस्टर राखेको छ । धरानस्थित फ्रेन्ड्स सिनेमा हल रहेको भवनमा ३२०० स्क्वायर फिटको पोस्टर राखिएको हो । यसलाई नेपाली फिल्मकै सबैभन्दा ठूलो पोस्टर दाबी गरिएको छ ।
कोरोना महामारीपछि विश्वमै ओटीटी प्लेटफर्म (ओभर द टप)प्रति दर्शकको आकर्षण बढेको छ । जसले गर्दा ठूलो लगानीमा नयाँ ओटीटी प्लेटफर्महरूको उदय पनि व्यापक रूपमा भइरहेको छ । नेपालमा मात्र अहिले एक दर्जन हाराहारी ओटीटी प्लेटफर्महरू सञ्चालनमा छन् । अब अर्को ओटीटी पनि थपिने भएको छ । त्यो हो, ‘युएनए डिजिटल’ ।
गायक तथा अभिनेता प्रशान्त तामाङको निधन भएको छ । उनको आइतबार बिहान कार्डियक अरेस्ट (मुटुको विद्युत सम्बन्धी गडबडी)का कारण दिल्लीस्थित एक अस्पतालमा निधन भएको हो । उनी ४३ वर्षका थिए । पछिल्लो समय भारतीय फिल्म र वेब सिरिजमा काम गर्न श्रीमती र छोरीसहित उनी दिल्लीमा बस्दै आएका थिए ।
यस वर्षको पहिलो सुपरहिट फिल्म ‘ऊनको स्वीटर’ले नेपालमा ११ करोडमाथिको व्यापार गर्दै ४० भन्दा बढी हलमा प्रदर्शनको ५१ दिन पूरा गरेको थियो । सोही उपलब्धि फिल्मले भारतमा पनि हासिल गरेको छ । गत मंसिर ५ गतेदेखि भारतमा प्रदर्शन सुरु गरेको फिल्मले शनिवार ६ वटा हलमा ५१ दिन मनाएको हो । भारतभर ४० वटा हलमा फिल्म रिलिज भएको थियो ।
निर्देशक यम शेर्पाको पहिलो फिल्म ‘कार्साङ’ गत वर्षको पुषमा प्रदर्शन भएको थियो । यो फिल्मले बक्स अफिसमा अपेक्षित व्यापार गर्न नसके पनि उनले लगत्तै अर्को फिल्म ‘मिरमिरे’को निर्माण घोषणा गरे, जुन माघ १ गतेबाट प्रदर्शनमा आउँदैछ । यसमा यमले ‘कार्साङ’कै जोडी दयाहाङ राई र सिर्जना निङलेखुलाई दोहोर्याएका छन् भने प्रकाश सपूतको पनि मुख्य भूमिका छ ।
नेपाली रजतपटमा प्रतीक्षित प्रेम कथानक फिल्म 'कुमारी'ले आफ्नो प्रदर्शनअघि नै दर्शकमाझ छुट्टै रौनक फैलाउन सुरु गरेको छ। आगामी माघ २३ गते प्रदर्शन हुने तयारीमा रहेको यस फिल्मले आफ्नो प्रवर्द्धनका लागि 'कुमारी लाइभ म्युजिकल कन्सर्ट विथ केहर एन्ड द लुङा'को आयोजना गर्ने भएको छ।
