Nepal's No.1 Filmy Web Magazine

भारतका हिन्दू सन्त तथा आध्यात्मिक गुरु नीम करोली बाबाको जीवनबाट प्रेरित फिल्म ‘हनुमान अंश’ले भारतीय बक्स अफिसमा ठूलो व्यावसायिक सफलता हासिल गरेपछि यतिबेला बलिउडमा धार्मिक र भक्तिप्रधान फिल्म निर्माणको लहर सुरु भएको छ । केही समयमै सन्त र हिन्दू गुरुहरूको जीवनमा आधारित थुप्रै फिल्मको घोषणा भइसकेका छन् ।

यसपालिको हरितालिका तीजमा सर्वाधिक घन्किने गीतमध्ये एक बन्यो, ‘धागो छिन्यो चर्खाको ।’ फिल्म ‘झिँगेदाउ २’मा समावेश यो गीतलाई युट्युब रिलिजको १२ दिनमा झन्डै ५० लाखले हेरिसकेका छन् । सोमबार तीजको दिन मात्रै गीतमा ५ लाखभन्दा बढी भ्यूज थपियो । गीतमाथि टिकटक, रिल्स र शर्ट्स पनि हजारौँको संख्यामा बनेका छन् । 

अभिनेता निखिल उप्रेतीको निर्देशकीय कमब्याक फिल्म ‘आचार्य’को पहिलो गीत ‘लै बरी लै’ सार्वजनिक गरिएको छ । असोज ९ गतेबाट प्रदर्शन हुने फिल्मको यस गीतमा युग भुसालको शब्द तथा संगीत छ भने गौरांग शेखर शर्मा र ज्योत्सना जावडाको स्वर सुन्न सकिन्छ । गौरांग र ज्योत्सना भारतीय गायक−गायिका हुन् । 

नेपाली फिल्मका उदयमान कलाकार हुन्, अमरप्रताप श्रेष्ठ । केही नाटक र ‘मोदीबेनी’ फिल्ममा अभिनय गरिसकेका उनी दुई वर्षदेखि भने गुमनामजस्तै थिए । तर, मंगलबार उनी गुमनाम रहनुको रहस्य खुलेको छ । उनले दुई वर्षदेखि अभिनय, फिटनेस र एक्सनको ट्रेनिङ लिइरहेका थिए । उनको यो मिहिनेत फिल्म ‘द राइज अफ साम्राज्य’का लागि थियो । 

दशैंको अवसर पारेर असोज ३० गतेबाट प्रदर्शन हुन लागेको एक्सनप्रधान फिल्म ‘१२ गाउँ २’को पहिलो गीत ‘जुनेली’ सार्वजनिक गरिएको छ । सोमबार हरितालिका तीजको अवसरमा निर्माण पक्षले पप डान्सिङ गीत दर्शकमाझ ल्याएको हो । सुगम पोखरेलको स्वर रहेको गीतमा युग भुसालको शब्द तथा संगीत छ भने मास्टरिङ रुप महराले गरेका हुन् ।

‘जारी’ जोडी दयाहाङ राई र मिरुना मगरको मुख्य भूमिका रहेको फिल्म ‘रातो घेरा : द रेड सर्कल’को छायांकन सकिएको छ । आइतबार काठमाडौंको थापागाउँस्थित मण्डला थिएटरमा अन्तिम दृश्य खिचिएसँगै डेढ महिनामा फिल्मको छायांकन पूरा भएको हो । फिल्मलाई यस वर्षको मंसिर १८ गते प्रदर्शन गर्ने तयारी गरिएको छ ।