Nepal's No.1 Filmy Web Magazine

नेपालमा सर्वाधिक सफल मानिएको फ्रेन्चाइज फिल्म ‘कबड्डी’को पाँचौँ श्रृंखला दशैं विदामा प्रदर्शन हुने भएको छ । शुक्रबार निर्माता कम्पनी बाँसुरी फिल्म्सले फर्स्टलुक पोस्टर सार्वजनिक गर्दै कात्तिक ६ गते (२३ अक्टोबर)लाई प्रदर्शन मिति तय गरेको हो । यो मिति दशैंको टीकाको पर्सिपल्ट अर्थात् द्वादशीमा पर्छ । योसँगै दशैं रिलिजको समीकरण थप रोचक बनेको छ ।

‘गोर्खा पल्टन’ र ‘परदेशी’का निर्देशक नारायण रायमाझी तीन वर्षपछि फिल्म निर्देशनमा फर्किने भएका छन् । उनको निर्देशनमा बन्न लागेको नयाँ फिल्म ‘बसन्ती’को शुक्रबार ललितपुरको कार्यविनायक मन्दिरमा शुभ मुहूर्त गर्दै निर्माण घोषणा गरिएको छ । असोज ३ गते शनिबारबाट छायांकन सुरु हुने फिल्मलाई निर्देशक रायमाझी स्वयंले निर्माण गर्नेछन् । 

‘जारी’ निर्देशक तथा कवि उपेन्द्र सुब्बाले नयाँ फिल्म ‘बखत्ते’ बनाउने भएका छन् । शुक्रबार बिहान ललितपुरस्थित महालक्ष्मी मन्दिरमा शुभ मुहूर्त गर्दै फिल्मको औपचारिक रूपमा निर्माण घोषणा गरिएको हो । फ्रेन्ड्स सिनेमाज्का सञ्चालक तथा वितरक आशिष तामाङ र प्रदीपजी धामीको लगानीमा बन्ने फिल्मको छायांकन आगामी साताबाट काठमाडौंमा सुरु हुनेछ । 

कलाकार तथा गायक मदनकृष्ण श्रेष्ठको जीवनकथामा आधारित फिल्म ‘म मदनकृष्ण’को छायांकन सुरु गरिएको छ । शुक्रबार बिहान ललितपुरस्थित महालक्ष्मीस्थान मन्दिरमा क्यामेरा र स्क्रिप्ट पूजा गरेसँगै फिल्मको छायांकन थालिएको हो । काठमाडौंसहित काभ्रेको पाँचखाल र पनौतीमा छायांकन हुने फिल्मलाई यसै वर्षको चैत ४ गते प्रदर्शन गर्ने घोषणा समेत गरिएको छ । 

यो साता दर्शकले आफ्नो रुचिअनुसार रोजीछानी फिल्म हेर्न पाउनेछन् । किनकि, शुक्रबारबाट फरक−फरक विषयवस्तुमा बनेका तीन फिल्म एकसाथ प्रदर्शनमा आएका छन् । ती हुन्, ‘झिँगेदाउ २’, ‘कार्की साइँला’ र ‘माया बस्छ कि के हो’ । यीमध्ये ‘झिँगेदाउ २’ सिक्वेल फिल्म हो । यसैले अन्य दुई फिल्मभन्दा यसको शो संख्या बढी देखिन्छ ।