Nepal's No.1 Filmy Web Magazine

अहिलेको समयका सर्वाधिक महँगा अभिनेताको सूचीमा ‘टप थ्री’भित्र पर्ने नाम हो, विपिन कार्की । उनले केही वर्षयता प्रतिफिल्म ५० लाखमाथि पारिश्रमिक बुझ्ने गरेको चर्चा छ । २०८१ सालमा प्रदर्शन भएको फिल्म ‘तेल भिसा’का निर्माताले उनलाई ५० लाख पारिश्रमिक दिएको खुलासा नै गरेका थिए । त्यसयता पनि उनले त्योभन्दा कममा कमै फिल्म खेलेका छन् । 

हरितालिका तीजको छेको पारेर भदौ २६ गतेबाट प्रदर्शनमा आउन लागेको फिल्म ‘अक्षरा’को विगत एक महिनादेखि छायांकन भइरहेको छ । सोमबारदेखि भने काठमाडौंको गोकर्णेश्वर नगरपालिका-४ स्थित उत्तरवाहिनी मन्दिरमा फिल्मको तीज गीतको छायांकन थालिएको छ । त्यसका लागि मन्दिर परिसरलाई नै फूलको मालाले आकर्षक रूपमा सजाइएको छ । 

‘कर्णाली अन्तर्राष्ट्रिय चलचित्र महोत्सव’को तेस्रो संस्करणको मुख्य आकर्षणको रूपमा रहेको ‘फिल्म स्टोरी बैंक’ प्रतियोगिताको आवेदन दिने समयसीमा थप गरिएको छ । आइतबार काठमाडौंमा आयोजित एक कार्यक्रममा परिमार्जित समय तालिका र विस्तृत नियमहरूबारे जानकारी गराइयो । अब मंसिर १४ गतेभित्र इमेलमार्फत आफ्नो सिर्जना पठाउनुपर्ने आयोजकले जनाएको छ ।

यतिबेला हलमा ६ वटा नेपाली फिल्म प्रदर्शनरत छन् । तीमध्ये बक्स अफिसको अंकगणितमा ‘लालीबजार’ सबैभन्दा अगाडि देखिएको छ । गत वैशाख २५ गतेबाट प्रदर्शनमा आएको यो फिल्मले जेठ ३१ गते आइतबार (हिजो)सम्म ९ करोडमाथिको व्यापार गरेको चलचित्र विकास बोर्डको तथ्यांकमा देखिन्छ । यसको कुल कमाइ ९ करोड १६ लाख ६५५ रुपैयाँ ग्रस छ । 

राजबहादुर सानेको निर्देशनमा बन्न लागेको फिल्म ‘गंगा रानी’मा मुख्य अभिनेताको टुंगो लागेको छ । निर्माण टिमले अडिसनबाट रोशन केसीलाई फिल्ममा अनुबन्धित गरेको हो । फिल्मको डिजिटल अडिसनमा रोशनसहित करिब ५ सयजना सहभागी भएका थिए । तीमध्ये अभिनय क्षमताको आधारमा रोशनलाई अनुबन्धित गरिएको निर्देशक सानेले बताए ।