Nepal's No.1 Filmy Web Magazine
पूराना निर्देशक किशोर रानामगरको निर्देशनमा बनेको पछिल्लो फिल्म ‘प्रतिविम्ब’को पोखरामा विशेष प्रदर्शनी हुने भएको छ । साउन ९ गते शनिबार हुने प्रदर्शनीबाट उठेको रकम भूकम्प पीडितलाई हस्तान्तरण गरिने निर्माण यूनिटले जनाएको छ । बुधबार पोखरामा पत्रकार सम्मेलनको आयोजना गरि निर्माण यूनिटले यस्तो जानकारी दिएको हो ।
कलाकार संघको नेतृत्वमा गएको टोलीले पनि बुधबार संविधानको प्रारम्भिक मस्यौदामा सुझाव पेश गरेको छ । बुधबार संविधानसभाका सभामुख सुवास चन्द्र नेम्वाङ र राजनीति संवाद समितिका संयोजक डा. बाबुराम भट्टराईलाई भेटेर कलाकारहरुले संविधानको नीति तथा दायित्व सम्बन्धी धारामा राष्ट्रिय चलचित्र शब्द समावेश गर्नुपर्ने सुझाव दिएका हुन् ।
चलचित्र बिकासबोर्डले संविधानको प्रारम्भिक मस्यौदामा सुझाव दिँदै राज्यका नीतिमा चलचित्र सम्बन्धी नीति पनि थप्न आग्रह गरेको छ । मस्यौदाको धारा ५५मा रहेको राज्यका नीतिहरुमा थप खण्ड थप्दै चलचित्र सम्बन्धी नीति पनि थप्न सुझाव दिएको हो ।
फिल्मको पर्दामा थुप्रै अभिनेत्री बोकेका आर्यन सिग्देल अहिले आफ्नी श्रीमती सपना भण्डारीलाई बोक्दैछन् । सपनालाई बोक्दै गरेको तस्बिर फेसबुकमा राखेर आर्यनले श्रीमतीप्रतिको माया दर्शाए । यति मात्र होइन, गएको फागु पूर्णिमामा सपनालाई खुल्ला स्थानमै चुम्बन गरेको तस्बिर फेसबुकमा पोष्ट गरेर आर्यनले चर्चामा आउने काम गरे ।
बलिउडमा अभिनेत्री विपाशा वसुको प्रेमको चर्चा सधै नै हुन्छ । विपाशाको प्रेम सुरुमा डिनो मारियोसँग भयो । यसपछि उनले डिनोलाई छाडेर जोन अब्राहिमसँग प्रेम गरिन् । जोन र विपाशाको प्रेम करिब ९ वर्ष सम्म चल्यो । बलिउडमा यी दुईले बिहे नै गर्छन् भन्ने चर्चा पनि थियो । तर, पछि यो जोडी अलग भयो ।
नेपाली फिल्ममा विस्तारै अभिनेत्रीको खडेरी देखिएको छ । एकपछि अर्को गर्दै अभिनेत्रीहरु विदेश पलायन हुन थालेपछि नेपालमा अभिनेत्रीके कमि हुन थालेको हो । हुनत, नेपाली फिल्म क्षेत्रमा अभिनेत्रीको संख्या धेरै छ । तर, धेरै मध्ये केही मात्र यस्ता छन् जसलाई निर्माता र निर्देशकले मात्र होइन दर्शकले पनि पत्याएका छन् । केही अभिनेत्री चाहिँ फिल्ममा साना तिना रोल र म्यूजिक भिडियो खेलेका तस्बिहरु फेसबुकमा हालेर अभिनेत्रीको धाक लगाउनमै सिमित छन् ।
