Nepal's No.1 Filmy Web Magazine

फिल्म ’शकुन्तला’ निर्माण घोषणाको दिन अभिनेता राजेश हमालको उत्सुकतापुर्ण भनाई जोडेर फिल्मीखबरले लेखेको उनी महिलापात्रको रुपमा पहिलो पटक फिल्ममा देखिनसक्ने समाचार अन्ततः सहि बनेको छ । फिल्मीखबरलाई प्राप्त केहि एक्लुसिभ तस्विरमा अभिनेता हमाल महिला पात्रकै भुमिकामा देखिएका छन् । 

रिलिजको ७५ औं दिन पार भएको खुसियालीमा फिल्म ’परदेशी’ युनिटले सञ्चारकर्मी तथा फिल्मकर्मीमाझ खूसियाली साटेको छ । राजधानीमा आयोजित एक कार्यक्रमका बीच फिल्म युनिटले सफलता साँझ मनायो । कार्यक्रममा फिल्म निर्माणदेखी रिलिज सफलतासम्म साथ दिने सहयोगी हातहरुलाई मायाको चिनो प्रदान गरियो ।

बलिउड अभिनेत्री विपशा वासु र अभिनेता करण सिंह विच लामो समयदेखि अफेयर चलेको चर्चा चलेको थियो । तर, प्रेमी छाड्न र बनाउन माहिर मानिएकी बलिउडकी यी सुन्दरीले यो कुरा स्विकार गरिनन् । उनले करण र आफू साथी मात्र भएको बताउँदै आएकी थिइन् ।

आउँदो शुक्रबार रिलिज हुने फिल्म ’बागमती’ युनिटले अभिनेता राजेश हमालको कमब्याक भनेर प्रचार गरेपछि हमालले यसको घुमाउरो पाराले खण्डन गरे । म कहिँ कतै हराएको गएको छैन, फिल्म गरिराछु, कसरी कमब्याक मानुँ ? 

एक समय थियो, राजेश हमाल, निखिल उप्रेती, दिलिप रायमाझी यी तीन नामसँगै अर्का अभिनेता सुशिल क्षेत्रीको पनि नाम आउँथ्यो । धेरैले त उनलाई लामो रेसका घोडा समेत भन्थे । फिल्म चल्दै गर्दा यी नामहरुकै कारण केहि निर्माता निर्देशकले चुरीफूरी पनि राम्रै देखाउन पाउँथे । तर अहिले त्यो अबस्था छैन् । अक्कल झूक्कल उनका फिल्म आउँछन् तर दर्शकको साथ पाउँदैनन्, केहि दिनमै हलबाट उत्रिन्छन् ।

अभिनेत्री शिल्पा पोख्रेललाई नेपाली फिल्ममा भित्राउने काम गरे, छविराज ओझाले । छविले एकपछि अर्को फिल्ममा शिल्पालाई नै लिइरहेका छन् । शिल्पाको नाममा छविले करोडौ रकम खर्च गरेका छन् । तर, शिल्पाका लागि भने यतिबेला छविको नाम भन्दा अभिनेत्री करिश्मा मानन्धरको नाम ठूलो हुन थालेको छ ।