Nepal's No.1 Filmy Web Magazine
संगीतकार चेतन सापकोटाले कार्यकारी निर्माता बनेर पहिलो पटक लगानी गरेको फिल्म 'भाग् सानी भाग्'को नयाँ गीत रिलिज भएको छ । 'यो के भाको' बोलको सार्वजनिक गीतका शब्द दर्शकको मनमा बस्ने खालका छन् । जहाँ लिड अभिनेता सविन श्रेष्ठ र अभिनेत्री केकी अधिकारी फिचरिङमा छन् । भिन्न लोकेशनमा खिचिएको यो गीतको भिडियोमा समावेश दृश्यहरु पनि मनमोहक छन् ।
आफ्नो जन्मदिनमा निर्देशक नारायण पुरीको तर्फबाट फिल्मको पटकथा उपहार पाएका अभिनेता तथा निर्माता हसनराजा खान अब नयाँ फिल्ममा देखिने भएका छन् । नारायण पुरीले उपहार दिएको कथामा अहिले काम भैरहेको छ । तर यो भन्दा अगाडि नै हसन रोमियो शीर्षकको फिल्ममा देखिने भएका छन् ।
शुक्रबार अर्थात माघ २२ गतेबाट नेपालभर रिलिज हुने फिल्म हो, कैफियत । कैफियतका निर्देशक हुन् दशरथ गिरी । दशरथले यसअघि फिल्ममा सम्पादन र भीएफएक्सको काम गर्दै आएका थिए । उनले आफ्नो फिल्ममा उच्च प्रविधिको प्रयोग गरिएको दाबी गर्दै फिल्म कैफियत कथासँगै प्रविधिको प्रयोगका लागि पनि हेर्नुपर्ने जिकिर गर्दै आएका छन् ।
फिल्म‘संरक्षण’को छायांकन सुरु गरिएको छ । अघोषित नाकाबन्दी केही खुकुलो भएपछि यो फिल्मको छायांकन पनि सुरु गरिएको हो । काठमाण्डौ, विरगञ्ज र हेटौडामा फिल्मको छायांकन हुनेछ ।
निर्माण भएको करिब २ बर्षपछि प्रदर्शनमा आउन लागेको अभिनेता आर्यन सिग्देल अभिनित फिल्म ‘आवेग’ हेर्नका लागि अब बालबालिकाका लागि बाबु आमाको साथ चाहिने भएको छ । चलचित्र सेन्सर बोर्डबाट यो फिल्मले पीजी सर्टिफिकेट पाएको छ । यसको अर्थ हुन्छ, फिल्म हेर्नका लागि बालबालिकालाई बाबु आमाको साथ चाहिन्छ ।
दुई दिनमा ४२ लाख ग्रस कलेक्शन गरेको फिल्म ‘पशुपति प्रसाद’ले पनि नेपाली फिल्मको सुस्ताएको माहोल तताउन सकेन । शनिबार बिदाको दिन देशभरका ६० पर्दाबाट जम्मा २५ लाख ग्रस गरेको फिल्मले पहिलो दिन १७ लाख मात्र कमाउन सक्यो । प्राय नेपाली फिल्मको व्यापार पहिलो दिन भन्दा दोश्रो दिन अर्थात शनिबार दोब्बर भन्दा धेरै हुन्छ । तर ‘पशुपति प्रसाद’को व्यापार झन् ओरालो लागेको देखियो ।
