आफ्नो जन्मदिनमा निर्देशक नारायण पुरीको तर्फबाट फिल्मको पटकथा उपहार पाएका अभिनेता तथा निर्माता हसनराजा खान अब नयाँ फिल्ममा देखिने भएका छन् । नारायण पुरीले उपहार दिएको कथामा अहिले काम भैरहेको छ । तर यो भन्दा अगाडि नै हसन रोमियो शीर्षकको फिल्ममा देखिने भएका छन् ।
गीत गाउँदै सहिमा
‘रोमियो’ फिल्ममा उनका साथमा २ जना अभिनेत्री हुनेछन् । अभिनेत्रीको टुंगो लागिसकेको छैन । फिल्मको हाल गीत रेकडिङ भैरहेको छ । ३ गीत रहने फिल्ममा ताराप्रकाश लिम्बु, अर्जुन पोख्रेल र सुनिल पाण्डेको संगीत रहनेछ । सुनिलको संगीत रहेको ‘तिमी किन ल्याङ् ल्याङ गर्छौ मैयाँ’ बोलको गीतको रेकर्डिङ भने भैसकेको छ । सहिमा श्रेष्ठ र सुनिलले यो गीतमा आवाज दिएका छन् । मार्चबाट छायांकनमा जाने यो फिल्मको कथावस्तुबारे खुलाइएको छैन ।
