संगीतकार चेतन सापकोटाले कार्यकारी निर्माता बनेर पहिलो पटक लगानी गरेको फिल्म 'भाग् सानी भाग्'को नयाँ गीत रिलिज भएको छ । 'यो के भाको' बोलको सार्वजनिक गीतका शब्द दर्शकको मनमा बस्ने खालका छन् । जहाँ लिड अभिनेता सविन श्रेष्ठ र अभिनेत्री केकी अधिकारी फिचरिङमा छन् ।
भिन्न लोकेशनमा खिचिएको यो गीतको भिडियोमा समावेश दृश्यहरु पनि मनमोहक छन् । सार्वजनिक गीतमा दयाराम पाण्डेको शब्द छ भने संगीत कार्यकारी निर्माता सापकोटाको नै छ । स्वर भने राज सिग्देल र अञ्जु पन्तको छ । यो फिल्म चैत्र ५ मा रिलिज हुँदैछ ।
नवल नेपालको निर्देशन रहेको 'भाग सानी भाग'सँगै अभिनेता सविनको अर्को फिल्म पनि रिलिज हुने पक्का भएपछि प्रचारलाई गती दिन अहिले यो फिल्म युनिट कम्मर कसेर लागिसकेको छ । सहदेव गौतम, विलोल पोखरेल र विष्णु चापागाईं निर्माता रहेको फिल्ममा कोरियोग्राफी कविराज गहतराजको छ भने द्वन्द्व हिमाल केसीको छ ।
भिडियो हेर्नुहोसः
