Nepal's No.1 Filmy Web Magazine
अभिनेत्री प्रियंका कार्कीले छोटो समयमा नै नेपाली फिल्ममा लोभलाग्दो लोकप्रियता हासिल गरिन् । 'थ्रि लभर्स' बाट नेपाली फिल्ममा डेब्यू गरेकी उनलाई एक समय अभिनेत्री रेखा थापापछि 'नायिकाको स्टारडमको भ्याकुम' पूरा गर्ने अभिनेत्रीको रुपमा हेरिएको थियो । तर, उनले आफूलाई जोगाएर अगाडि बढ्न सकिनन् । गुणस्तरमा भन्दा संख्यात्मक अभिनयमा जोड दिँदा उनको करिअर जुन गतिमा उक्लियो त्यही गतिमा झर्यो पनि ।
यस वर्षको चैत २८ गतेबाट प्रदर्शनमा आउन लागेको बहुप्रतिक्षीत फिल्म ‘प्रेमगीत ३’ का लागि २७ सय बढी युवतीलाई उछिन्दै ‘गीत’ क्यारेक्टरमा अनुबन्ध भएकी क्रिस्टिना गुरुङ खड्काको चर्चा केही दिनयता कुनै सुपरहिट फिल्मकी अभिनेत्रीको भन्दा कम छैन । उनी डेब्यू फिल्म रिलिज नहुँदै शहरिया युवापुस्तामाझ राम्रैसँग चिनिएकी छन् । उनको सुन्दरताले धेरैलाई लोभ्याएको छ ।
अनुभव सिन्हाको निर्देशनमा बनेको अभिनेता आयुष्मान खुराना स्टारर 'आर्टिकल १५' ले बक्सअफिसमा राम्रो व्यापार गरिरहेको छ । शुक्रबारबाट प्रदर्शनमा आएको फिल्मले भारतीय बजारबाट तीन दिनमा आफ्नो बजेट उठाएको छ । अर्थात् लगानी बराबरको व्यापार गरेको छ । ट्रेड रिपोर्ट्सका अनुसार, यो फिल्म १८ देखि २० करोडमा निर्माण भएको छ ।
कन्टेन्टमा ‘एक्सपेरिमेन्ट’ गर्न नडराउने निर्देशक दीपेन्द्र के. खनालले अभिनेता खगेन्द्र लामिछाने अभिनीत फिल्म ‘पशुपतिप्रसाद’ पछि यादगार फिल्म पस्कन सकेका छैनन् । यो फिल्मपछि उनले ‘लभ लभ लभ’, ‘धनपति’ र ‘चंगाचेट’ को क्याप्टेनसिप सम्हाले । तर, यी फिल्मले दर्शकलाई सन्तुष्ट बनाउन सकेनन् । किनभने, उनीबाट दर्शक र समीक्षकले ‘पशुपतिप्रसाद’ भन्दा माथिल्लो स्तरको फिल्मको अपेक्षा राख्दछन् ।
बलिउडको प्रतिष्ठित ‘इन्टरनेसनल इन्डिया फिल्म अवार्ड-२०१९’ (आईफा) को २०औं संस्करणका लागि १ अर्ब दिने सरकारी निर्णयको अहिले चौतर्फी रुपमा आलोचना भइरहेको छ । भारतको एक नीजि कम्पनीलाई अवार्ड गर्नका लागि करोडौं दिनु जनताले तिरेको करको दुरुपयोग हुने भन्दै सर्वसाधारण, चलचित्रकर्मी र राजनीतिक दलका नेताहरुले चर्को विरोध गरिरहेका छन् । आइतबार माइती घर मण्डलामा सरकारी निर्णयको विरोधमा सर्वसाधारण सडकमा नै उत्रिएका थिए ।
नेपाल सरकारले यस वर्षको बजेटमार्फत् फिल्म छायांकनका लागि काठमाडौंमा सुविधा सम्पन्न इन्डोर फिल्म स्टुडियो निर्माण गर्ने घोषणा गरेको छ । तर, यसका लागि सरकारले बजेट विनियोजन गरेको छैन । न त काठमाडौंमा कहाँ निर्माण गर्ने भन्ने नै टुंगो लागेको छ । सरकारले जग्गा खोज्ने जिम्मा सञ्चार तथा सूचना प्रविधि मन्त्रालयलाई दिएको छ । मन्त्रालयले चलचित्र विकास बोर्डलाई निर्देशन दिएको छ ।
