Nepal's No.1 Filmy Web Magazine

गत वर्षको फागुनमा प्रदर्शनमा आएको अभिनेता अनमोल केसी अभिनीत फिल्म ‘क्याप्टेन’ का निर्देशक दीवाकर भट्टराई मनछुने लभस्टोरी फिल्म बनाउन सिपालु मानिन्छन् । उनले यसअघि ‘स्टुपिड मन’ र ‘एश्वर्य’ पनि निर्देशन गरेका थिए । अब उनी फिल्म निर्माणमा पनि होमिएका छन् । उनको निर्माण र निर्देशनमा फिल्म ‘तिमिसँगै हुने मन छ’ बन्ने भएको छ ।

निर्देशक सञ्जय लीला भन्सालीको नयाँ फिल्म ‘इन्शाअल्लाह’ केही दिनयता निकै चर्चामा छ । बलिउड सुपरस्टार सलमान खान र अभिनेत्री आलिया भट्ट चाँडै यो फिल्मको छायांकनमा व्यस्त हुँदैछन् । प्राप्त जानकारी अनुसार, फिल्मको एक गीत मुम्बईको स्टूडियोमा छायांकन भइसकेको छ । अब खबर यो छ कि फिल्मको थिएटर राइट्स पेन इन्टरटेन्मेन्टले निकै महँगो मुल्यमा किनेको छ ।  

अभिनेत्री रेखा थापा प्रत्येक वर्ष एउटा फिल्म निर्माण गर्ने गर्दछिन् । गत वर्ष उनले आफ्नै निर्माण र निर्देशनमा फिल्म ‘मालिका’ बनाएकी थिइन् । तर, फिल्म बक्सअफिसमा असफल ठहरियो । यो फिल्मको असफलतापछि केही हच्किएकी उनले यस वर्ष नयाँ फिल्म बनाउँदैछिन् । अहिले फिल्मको स्क्रिप्टमा काम भइरहेको छ । फिल्मको निर्माण रेखाले गर्ने भए पनि निर्देशन उनको रहने छैन । 

पूर्व पोर्नस्टार सन्नी लियोनीले फिल्म ‘जिस्म २’ बाट बलिउडमा कदम राखेकी थिइन् । यो फिल्ममा उनले दिएको बोल्ड सिनको अझै पनि बलिउडमा चर्चा हुने गर्छ । अभिनयले भन्दा अंग प्रदर्शन गरेर आफूलाई बलिउडमा स्थापित गर्न लागिपरेकी उनी नेपाली फिल्मको पनि हिस्सा बनेकी छन् । घुमघामका लागि बाक्लै नेपाल आउने गरेकी उनले पहिलो पटक नेपाली फिल्ममा काम गरेकी छन् ।