Nepal's No.1 Filmy Web Magazine
महिला केन्द्रित फिल्म बताइएको ‘सरौतो’ को टीजर सार्वजनिक भएको छ । यसअघि सार्वजनिक भएको ‘कुले दाई’ बोलको गीतले फिल्मको हाइप निर्माणमा महत्त्वपूर्ण भूमिका खलिरहेको अवस्थामा निर्माण टिमले शुक्रबार साँझ एक्सनयूक्त टीजर सार्वजनिक गरेको हो । टीजरमा अभिनेत्री सुमी मोक्तानलाई एक्सन अवसरमा देख्न सकिन्छ । अभिनेता सन्नी सिंहसँग उनको लभ र रोमान्सलाई पनि विशेष स्थान दिइएको छ ।
हिन्दी फिल्मको पहिलो सुपरस्टार राजेश खन्नाको निधन सन् २०१२ मा मुम्बईमा भएको थियो । २९ डिसेम्बर १९४२ मा पञ्जाबको अमृतसरमा जन्मिएका उनको वास्तविक नाम जतिन खन्ना हो । बलिउडमा सबै प्रेमले उनलाई ‘काका’ नामले बोलाउने गर्दथे । उनले आफ्नो फिल्म करिअरमा थुप्रै सुपरहिट फिल्म दिएका थिए । कलाकारको रुपमा उनले आफ्नो जुन छाप छाडेका छन्, मानिसहरु उनलाई आज पनि याद गर्दछन् ।
यही साउन १० गतेबाट देशभर प्रदर्शनमा आउन लागेको पारिवारिक प्रेमकथामा आधारित बताइएको फिल्म ‘एकलव्य’ को दोस्रो गीत सार्वजनिक भएको छ । अघिल्लो गीत ‘पूर्वै चल्नेया रेल...’ लाई दर्शकले रुचाएपछि निर्माण टिमले ‘मलाई बनायौ किन ?’ बोलको नयाँ गीत सार्वजनिक गरेको हो ।
नेपालमा विरलै हरर जनरामा फिल्म बन्ने गर्दछन् । वर्षमा एउटा पनि मुश्किलले निर्माण हुन्छ । बलिउड र हलिउडका हरर फिल्मले नेपालमा राम्रो व्यापार गर्ने गरेता पनि नेपाली हरर फिल्मले भने अहिलेसम्म दर्शक रिझाउन सकेका छैनन् । न त व्यापार नै गतिलो गर्न सकेका छन् । वर्षौदेखि कमेडी र लभस्टोरी फिल्मकै विगविगि छ । फ्लप हुने डरले निर्माताले हरर जनरा रोज्ने गरेका छैनन् ।
नारी संवेदनामाथि फिल्म बनाउन सिपालु निर्देशक नवल नेपाल निर्देशित फिल्म ‘मारुनी’ को दोस्रो गीत इन्टरनेट रिलिज भएको छ । ‘जाम्न माया जाम’ बोलको गीतले सकारात्मक प्रतिक्रिया बटुल्दै गर्दा निर्माण टिमले शुक्रबार बिहान फिल्मको रोमान्टिक नम्बर सार्वजनिक गरेको हो ।
अभिनेता आयुष्मान देशराज जोशी र अभिनेत्री शिल्पा मास्केको प्रेमकथा वाचन गरेको फिल्म ‘सानो मन’ ले शुक्रबारबाट दोस्रो हप्तामा प्रदर्शन थालनी गरेको छ । प्रदर्शनको पहिलो हप्ता बक्सअफिसमा अपेक्षाकृत व्यापार गर्न नसके पनि फिल्मलाई दर्शकबाट निकै राम्रो प्रतिक्रिया मिलेको छ । निर्माण टिम पनि दर्शक प्रतिक्रियाबाट दंग छ । निर्देशक, छायाँकार र कलाकारको कामको दर्शक र फिल्मकर्मी सबैले मुक्तकण्ठले प्रशंसा गरेका छन् ।
