Nepal's No.1 Filmy Web Magazine

यस वर्षको बहुप्रतिक्षीत फिल्म मध्येको एक ‘कबड्डी कबड्डी कबड्डी’ को पहिलो गीत सार्वजनिक भएको छ । यसअघि सार्वजनिक भएको टीजरलाई दर्शकले अत्याधिक रुचाएपछि निर्माण टिमले फिल्मको प्रदर्शन मिति नजिकिँदै गर्दा लोक लयको ‘दुबो फूल्यो’ बोलको गीत सोमबार सार्वजनिक गरेको हो । यो गीतले बजार तताउने छनक देखाएको छ । 

कुनै समय नेपाली फिल्ममा आफ्नो राम्रो स्थान बनाएका अभिनेता रमित ढुंगाना गएको तीन वर्ष अगाडि प्रदर्शनमा आएको फिल्म ‘बुद्ध वर्न इन नेपाल’ पछि पर्दामा देखिएका छैनन् । यसबीच, उनले तीन वर्षपछि नेपाली फिल्ममा कमब्याक गरेका छन् । १८ लाख पारिश्रमिक बुझेको चर्चा भएको फिल्म ‘राजा साहेब’ मा उनी प्रमुख भूमिकामा देखिँदैछन् । 

केही समययता अहिलेका चल्तीका अभिनेता प्रदीप खड्काको प्रमुख भूमिका रहने फिल्म ‘प्रेमगीत ३’ को बारेमा जो कोहीलाई सर्वाधिक चासो छ । निर्देशकको रुपमा छेतेन गुरुङ र सन्तोष सेनको प्रवेशसँगै प्रमुख भूमिकामा पुराना अभिनेता शिव श्रेष्ठ, चाइल्ड स्टार अनुभव रेग्मी, नव-अभिनेता मनिष राउत र २७ सय बढी युवतीलाई उछिन्दै ‘गीत’ क्यारेक्टरमा क्रिस्टिना गुरुङ छानिएपछि चैत २८ मा रिलिज हुने यो फिल्मको चर्चा निकै चुलिएको छ । 

लामो समय नेपाली फिल्ममा विभिन्न विधामा रहेर काम गरेका कलाकार, छायाँकार, कोरियोग्राफर, द्वन्द्व निर्देशक तथा निर्माताले फिल्म निर्देशनमा पनि हात हालिसकेका छन् । तर, एकाध मात्र सफल ठहरिएका छन् । अधिकांशले असफलताको स्वाद चाखेका छन् । यसबीच, फिल्म निर्देशनमा ‘लुट’ जस्तो चर्चित फिल्म बनाएका निर्माता माधव वाग्लेले पनि हात हाल्ने भएका छन् । 

नेपाली फिल्मका चर्चित निर्माता छविराज ओझा र अभिनेत्री शिल्पा पोखरेलको घर झगडाले केही दिनयता जो कोहीको ध्यान आकृष्ट गरेको छ । तीन वर्ष अगाडि चौथो श्रीमतीको रुपमा छविको घर भित्रिएकी शिल्पाले गएको महिना प्रहरी परिसर टेकुमा घरेलु हिंसा गरेको उजुरी दिएकी थिइन्, श्रीमान् ओझाविरुद्ध । प्रहरी कार्यालयमा दुईले अब कहिल्यै झगडा नगर्ने भन्दै कागजी सहमति गरे पनि शिल्पा भने असुरक्षित महसुस गर्दै घर नफर्किने अडानमा छिन् ।