Nepal's No.1 Filmy Web Magazine
विशारद बस्नेत र मिराज रोशको संयुक्त निर्देशन रहेको फिल्म ‘न यता न उता’ को आइतबार अफिसियल पोस्टर सार्वजनिक भएको छ । पोस्टरमा फिल्मका प्रमुख कलाकारहरु सबैलाई स्थान दिइएको छ । साउन १७ गतेबाट देशभर प्रदर्शनमा आउन लागेको फिल्म कमेडी विषयवस्तुमा निर्माण भएको सार्वजनिक पोस्टरले प्रस्ट्याउँछ ।
नेपालमा ‘अनसक्सेस’ जनरा मानिन्छ, हरर । हलिउड र बलिउडका हरर फिल्मले नेपालमा राम्रो पैसा छाप्ने गरेता पनि नेपाली हरर फिल्मले भने पोस्टरको समेत पैसा उठाउन सकेका छैनन् । यद्यपि, वर्षमा एक/दुईवटा फिल्म भने बन्ने गरेका छन् । गत वर्ष हरर फिल्म ‘सुनकेसरी’ प्रदर्शन भएको थियो । यस वर्षका लागि फिल्म ‘घर’ रिलिज भएको छ । दुबै फिल्मका निर्देशक अर्पण थापा हुन् ।
असार र साउन महिनामा नेपाली फिल्मको छायांकन निकै कम हुन्छ । किनभने, मनसुनले छायांकनमा अवरोध गर्ने हुँदा फिल्म फ्लोरमा निस्कँदैनन् । तर, ‘पशुपति प्रसाद’ फेम्ड निर्देशक दीपेन्द्र के. खनालको नयाँ फिल्म ‘आमा’ को भने पानी नपर्दा छायांकन हुन सकेको छैन । अधिकांश दृश्यमा झमझम परेको पानी देखाउनु पर्ने भएकाले दैनिक क्यामेरा र आर्टिस्टसहित पानी कुरेर बसेको निर्देशक खनाल बताउँछन् ।
रोमान्टिक लभस्टोरी जनरामा निर्माण भएको अभिनेता यशराज गरच र नव-अभिनेत्री ऋचा थापा स्टारर फिल्म ‘लभ यू हमेशा’ को नयाँ प्रदर्शन मितिसहित अफिसियल टीजर सार्वजनिक भएको छ । यसअघि भाद्र ६ गतेलाई प्रदर्शन मिति घोषणा गरिएको फिल्म पोस्टपोन्ड भएर भाद्र २७ मा पुगेको छ । फिल्म त्रिकोणात्मक प्रेमकथामा आधारित रहेको निर्माण टिमले बताएको छ ।
एक्सन भूमिकामा रुचाइएका अभिनेता प्रज्वल गिरी र अभिनेत्री नीता ढुंगानाले पहिलो पटक अनस्क्रिन रोमान्स गरेको फिल्म ‘सोच’ को अफिसियल टीजर सार्वजनिक भएको छ । टीजर एक्सनयुक्त छ । नीता र प्रज्वलको प्रेम र रोमान्सलाई पनि स्थान दिइएको छ । निर्माण टिमले फिल्म एक्सन-लभस्टोरी जनरामा निर्माण भएको बताएको छ ।
अहिलेकी चल्तीकी अभिनेत्री साम्राज्ञी आरएल शाहको रिल लाइफको चर्चा जति हुन्छ त्योभन्दा कम हुँदैनन् रियल लाइफको पनि । उनको रिल र रियल लाइफ दुबै हिट छ । पर्दामा बोल्ड भूमिकामा प्रस्तुत हुँदै आएकी उनलाई विवादले पनि केही वर्षयता राम्रै पछ्याइरहेको छ । कहिले गाउँले भूमिका गर्न अस्वीकार गरेको कारणले उनको आलोचना भयो त कहिले दायाँ स्तनमुनी खोपेको ट्याटुको तश्विर बाहिरिएपछि विवादमा फसिन् ।
