नितेश तिवारी निर्देशित बहुप्रतिक्षीत फिल्म ‘रामायण’को पहिलो भाग तिहारमा रिलिज हुँदैछ । सन्नी देओल, रणवीर कपूर, यश, साई पल्लवी, काजल अग्रवाल, विवेक ओबेरोय, रकुल प्रीत सिंहजस्ता कलाकारहरूको अभिनय रहेको फिल्मले भारतीय इतिहासमै सबैभन्दा ठूलो व्यापार गर्ने प्रक्षेपण गरिएको छ । यो फिल्मको दुई श्रृंखलाको बजेट मात्र भारु ४ हजार करोड हो ।
यश समेत निर्माता रहेको यस फिल्मको शनिबार भारतको दिल्लीमा ट्रेलर सार्वजनिक कार्यक्रम राखिएको थियो । जहाँ फिल्मका कलाकारदेखि विभिन्न क्षेत्रका व्यक्तिहरूको उपस्थिति रहेको थियो । कडा सुरक्षा व्यवस्थाबीच आयोजित कार्यक्रममा मोबाइलबाट ट्रेलर खिच्न निषेध गरिएको थियो । तर, यसका बावजुद पनि ट्रेलर अनलाइनमा लिक भएको छ ।
भाइरल क्लिप्समा रणवीर कपूरलाई भगवान् रामको अवतारमा देख्न सकिन्छ । उनको इन्ट्री सानदार देखिएको छ । घोडामा सवार उनले आँखामा पट्टी बाँधेर धनुष-बाण (प्राचीन हतियार) चलाएका छन् । त्यस्तै, साई पल्लवी माता सीता, यश रावण, सन्नी हनुमान, अरुण गोविल राजा दशरथ र लारा दत्ता कैकईको भूमिकामा देखिएका छन् । ट्रेलरको सुरुवात भने यशको दृश्यबाट भएको छ ।
निर्माण पक्षले फिल्मको ट्रेलर यही शुक्रबार युट्युबमा सार्वजनिक गर्ने तयारी गरेको छ । तर, त्यसअघि नै ट्रेलरका महत्त्वपूर्ण दृश्यहरू लिक भएपछि सुरक्षा व्यवस्थामाथि धेरै प्रश्न उठेका छन् । कार्यक्रममा सुरक्षाकर्मीहरूले ट्रेलर रेकर्ड गर्ने प्रयास गरेका एक–दुई जनाको मोबाइल नियन्त्रणमा समेत लिएका थिए । यति हुँदाहुँदै पनि ट्रेलर लिक हुनबाट जोगिन सकेन ।
Yash's first appearance as Ravana has leaked from the #Ramayana ( Bharat Mandapam event )and that part looks promising.
— PintuX (@pintya_348) July 19, 2026
But from the leaked footage, Ranbir and Sai pallavi dialogue delivery felt a little off.
Hopefully it's just the leaked quality.otherwise. we might be… pic.twitter.com/BauHgswc9A
