Nepal's No.1 Filmy Web Magazine
बुधबार नेपालको भोटेकोशी नदीमा आएको विनाशकारी बाढीका कारण ठूलो जनधनको क्षति भएपछि भारतीय कलाकारहरूले दुःख व्यक्त गरिरहेका छन् । बुधबार साँझ अभिनेता सोनू सूदले सामाजिक सञ्जालमा एक पोस्ट लेख्दै आफू नेपालको साथमा रहेको बताएका थिए । उनले खाना, आश्रय र पुनर्निर्माणमा सहयोग गर्ने प्रतिबद्धता पनि जनाएका छन् ।
बुधबार बिहान चीनको तिब्बततर्फबाट हिमताल फुटेर रसुवाको भोटेकोशी नदीमा आएको विनाशकारी बाढीका कारण जनधन र पूर्वाधारमा ठूलो क्षति भएपछि विभिन्न क्षेत्रका व्यक्तिहरूले बाढी प्रभावितका लागि प्रधानमन्त्री दैवी प्रकोप उद्धार कोषमा आर्थिक सहयोग गरिरहेका छन् । यसमा नेपाली कलाकारहरूले पनि अग्रसरता देखाएका छन् ।
बलिउडका चर्चित अभिनेता सोनू सूदले बुधबार बिहान रसुवाको भोटेकोशी नदीमा आएको विनाशकारी बाढीबाट भएको जनधन तथा भौतिक क्षतिप्रति दुःख व्यक्त गर्दै आफू नेपालको साथमा रहेको बताएका छन् । उनले बाढी प्रभावितलाई खानादेखि आश्रयसम्म सहयोग गर्ने प्रतिबद्धता पनि जनाएका छन् ।
रक्षा बन्धनको अवसर पारेर भदौ १२ गतेबाट प्रदर्शनमा आउन लागेको फिल्म ‘पार्वती’को मंगलबार चितवनस्थित म्याङ्गो जनज्योति हलमा ‘पब्लिक प्रिमियर’ गरिएको छ । फिल्मका मुख्य कलाकारहरू नीता ढुंगाना र अशोक दर्जीको उपस्थिति रहेको प्रिमियरमा फिल्मले सकारात्मक प्रतिक्रिया पाएको छ । फिल्म हेरेका अधिकांश दर्शक भावुक देखिएका थिए ।
अभिनेता माओत्से गुरुङको निर्देशनमा बनेको फिल्म ‘पेन्सन पट्टा’को ट्रेलर सार्वजनिक गरिएको छ । मंगलबार काठमाडौंमा आयोजित एक कार्यक्रमका बीच सार्वजनिक झन्डै ४ मिनेट लामो ट्रेलरले फिल्मको कथावस्तु प्रस्ट पारेको छ । फिल्मको नामअनुसार नै पेन्सन पट्टामा केन्द्रित रहेको ट्रेलरमा हास्य र भावनात्मक पक्षको सन्तुलित मिश्रण देखिन्छ ।
अभिनेता पल शाहको मुख्य भूमिका रहेको फिल्म ‘यानीमाया’को छायांकन पूरा नहुँदै आक्रामक रूपमा विदेश प्रदर्शन अधिकार बिक्री हुन थालेको छ । छायांकन सुरु भएयता ६ देशमा फिल्म बिक्री भइसकेको छ । निर्माता चन्द्र ज्योति आलेका अनुसार हङकङ, जापान, कोरिया, मलेसिया, कतार र थाइल्याण्डमा फिल्मको प्रदर्शन अधिकार बिक्री गरिएको हो ।
