Nepal's No.1 Filmy Web Magazine

आगामी जेठ १५ गते गणतन्त्र दिवसको सार्वजनिक विदा छ । यसैले यो मिति फिल्म रिलिजका लागि निर्माताहरूको रोजाइमा परेको छ । फिल्म ‘रोल नं १’ले प्रदर्शनका लागि उक्त मिति रोजिसकेको छ । अब सोही मितिमा अर्को फिल्म ‘कुम्भ’ पनि प्रदर्शन हुने भएको छ । मंगलबार निर्माण पक्षले एक पोस्टर सार्वजनिक गर्दै जेठ १५ गतेलाई प्रदर्शन मिति तय गरेको हो । 

अभिनेत्री नीता ढुंगानाले आफ्नो निर्देशनमा बन्न लागेको फिल्म ‘पार्वती’को छायांकन सुरू गरेकी छन् । मंगलबार कास्की जिल्लाको माछापुच्छ्रे गाउँपालिकाको मिर्सा गाउँमा शुभमुर्हूत गर्दै फिल्मको छायांकन थालिएको हो । एक महिनाको छायांकन तालिका तय गरिएको यो फिल्मबाट नीता पहिलो पटक निर्देशकका रूपमा प्रस्तुत हुन लागेकी हुन् ।

टिकटकबाट उदाएका धेरै कलाकारले फिल्मसम्मको यात्रा तय गरिसकेका छन् । अब अर्का टिकटक स्टार आयुष सिंह ठकुरी पनि फिल्ममा देखिँदैछन् । उनको डेब्यू फिल्म ‘राम नाम सत्य’ यही चैत २७ गतेबाट प्रदर्शनमा आउँदैछ । फिल्मको ट्रेलर हेर्दा उनी विराज भट्ट वा सुशील श्रेष्ठमध्ये एकको युवावस्थाको भूमिकामा हुनसक्ने अनुमान लगाउन सकिन्छ ।

यस वर्ष नेपाली फिल्मले घरेलु बक्स अफिसमा १ अर्बभन्दा बढीको व्यापार गरेको छ । सोमबार चलचित्र विकास बोर्डले सार्वजनिक गरेको तथ्यांक अनुसार चैत १३ गतेसम्म प्रदर्शन भएका ५६ वटा फिल्मबाट १ अर्ब ८ करोड ३८ लाख ५७ हजार ९१० रुपैयाँ बराबरको कमाइ भएको हो । यो अघिल्लो वर्षको तुलनामा भने झन्डै ७० करोड कम हो । 

गत माघमा प्रदर्शन भएको ‘आ बाट आमा’पछि नेपाली फिल्महरूले घरेलु बक्स अफिसमा अपेक्षित व्यापार गर्न सकेका छैनन् । यस्तैमा गत शुक्रबार (१३ चैत)बाट प्रदर्शनमा आएको फिल्म ‘हामी तीन भाइ’ले पनि निराशाजनक व्यापार गरेको छ । चलचित्र विकास बोर्डको बक्स अफिस तथ्यांक अनुसार प्रदर्शनको ९ दिनमा फिल्मले ६ लाख ३२ हजार ग्रस कमाएको छ ।

नेपालमा निरन्तर फिल्म बनाउने निर्माताको संख्या निकै न्यून छ । धेरैजसो त एउटा फिल्म व्यावसायिक रूपमा असफल भएपछि यो क्षेत्रबाट सधैंका लागि टाढा हुन्छन् । तर, केही यस्ता निर्माता पनि छन्, जसले फिल्म निर्माणलाई नाफा र घाटाको रूपमा नहेरी यसलाई आफ्नो कर्म ठानेका छन् । र, निरन्तर फिल्म बनाइरहेका छन् । त्यसमध्ये एक हुन्, सुशील पोखरेल ।