Nepal's No.1 Filmy Web Magazine

नितेश तिवारी निर्देशित बहुप्रतिक्षीत फिल्म ‘रामायण’को पहिलो भाग तिहारमा रिलिज हुँदैछ । सन्नी देओल, रणवीर कपूर, यश, साई पल्लवी, काजल अग्रवाल, विवेक ओबेरोय, रकुल प्रीत सिंहजस्ता कलाकारहरूको अभिनय रहेको फिल्मले भारतीय इतिहासमै सबैभन्दा ठूलो व्यापार गर्ने प्रक्षेपण गरिएको छ । यो फिल्मको दुई श्रृंखलाको बजेट मात्र भारु ४ हजार करोड हो ।

गत शुक्रबार (१ साउन)बाट प्रदर्शनमा आएको फिल्म ‘गौँथली’ले दर्शकबाट सकारात्मक प्रतिक्रिया पाएको छ । फिल्म प्रदर्शन भएदेखि काठमाडौंका विभिन्न हलमा पुगेका निर्माता, निर्देशक तथा कलाकारहरूलाई दर्शकले मनछुने फिल्म हेर्न पाएको भन्दै धन्यवाद दिएका छन् । दर्शकहरूले फिल्मको विषयवस्तुदेखि कलाकारहरूको अभिनयसम्मको मुक्तकण्ठले प्रशंसा गरेका छन् । 

कन्नड फिल्म ‘टक्सिक’ भदौ १० मा आउने भएपछि नेपाली फिल्मको रिलिज क्यालेन्डर प्रभावित भएको छ । यसअघि भदौ १२ गते ५ वटा फिल्म प्रदर्शन हुने तयारीमा थिए । तर, ‘टक्सिक’ २ दिनअघि नै आउने भएपछि ‘पार्वती’बाहेक अरु सबै फिल्मले प्रदर्शन मिति सारेका छन् । भदौ १२ गते प्रदर्शन हुने भनिएको फिल्म ‘जदौ’ पनि एक महिना पछाडि सरेको छ । 

सार्वजनिक भए लगत्तै विवादमा परेको फिल्म ‘मास्टर्नी’को प्रवर्द्धनात्मक गीत ‘म्याथ सिक्ने भए...’ युट्युबबाट हटाइएको छ । शुक्रबार साँझ फिल्मकी निर्मात्री तथा अभिनेत्री प्रियंका कार्की र गायक दुर्गेश थापाले सामाजिक सञ्जालमार्फत दर्शकसँग माफी माग्दै गीत सम्पूर्ण अडियो तथा भिडियो प्लेटफर्मबाट हटाइएको जानकारी दिएका हुन् । 

‘मोहर’का निर्देशक ओम प्रतीकको निर्देशनमा बनेको फिल्म ‘हली’को मर्मस्पर्शी गीत ‘कहाँबाट ल्याऊँ बाबा’ सार्वजनिक गरिएको छ । प्रमोद दीपको शब्द, अभि सुनारको संगीत तथा अस्मिता अधिकारीको स्वर रहेको गीतले असैह्य पीडामा रहेकी छोरीले बाबुलाई सम्झिँदै अन्धकारबाट निकालेर आफूलाई साथमा लैजान गरेको याचनालाई प्रस्तुत गरेको छ ।