Nepal's No.1 Filmy Web Magazine

यो शुक्रबार (फागुन २३ गते) नेपाली फिल्म घरमा प्रेमकथाको फिल्म ‘ऋतु’ प्रदर्शन हुँदैछ । सफा प्रोमो तथा गीतले एक वर्गको दर्शकका लागि यो फिल्म प्रतिक्षित बनेको छ । झन्डै ९० प्रतिशत सुटिङ अष्ट्रेलियामा गरिएको ‘ऋतु’ कसरी बन्यो ? अष्ट्रेलिमा रहेका निर्देशक मनोज अधिकारीसँग फिल्मीखबरले ‘ऋतु’ निर्माणको प्रक्रिया, निर्देशक स्वयम्को अनुभव बारे बुझ्ने प्रयास गरेको छ ।

अभिनेत्री निशा अधिकारी बंगाली फिल्ममा देखिने भएकी छिन् । ‘गुड इभिनिङ काठमाडौं’ र ‘अन्डर द सेम स्काइ (क आशाशेर निचे)’ नामक बंगाली फिल्म खेल्ने सम्झौता भएको अभिनेत्री अधिकारीले आफ्नो फेसबुक पेजबाट खुलाएकी हुन् ।

सुचना तथा सञ्चारमन्त्री मिनेन्द्र रिजालले विदेशमा रहेका तीस लाख बढी नेपाली दर्शकलाई लक्षित गर्दै फिल्म निर्माण गर्नु पर्ने तथा फिल्मको विदेशी बजारलाई विस्तार गर्नुपर्ने धारणा राखेका छन् ।

डार्क कमेडी फिल्म ‘झोले’को दश दिने ग्रस कलेक्सन सार्वजनिक भएको छ । निर्माण युनिटले दिएको रिपोर्ट अनुसार यो फिल्मले दश दिनमा काठमाडौं र मोफसल गरी ९२ लाखको ग्रस कलेक्सन गरेको छ ।

आगामी शुक्रबारबाट नेपाल सहित अष्ट्रेलियामा एकसाथ रिलिज हुन लागेको फिल्म 'ऋतु'लाई चलचित्र जाँचपास समितीले सबै वर्गका दर्शकले हेर्न पाउने गरी 'युनिभर्सल सर्टिफिकेट' दिएको छ । फिल्मका सबैकुरा सभ्य र राम्रो भएको भन्दै बोर्डले 'यू' प्रमाणपत्र दिएको निर्माता अपिल बिष्टले जानकारी गराए ।
 

अत्याधिक व्यावसायिक सफलता पाएको ‘गोर्खा पल्टन’ निर्माण गर्ने मुभिज डटकमले अर्को फिल्म निर्माण प्रक्रिया पुरा गरेको छ । निर्देशक नारायण रायमाझीको निर्देशन रहने फिल्ममा ‘गोर्खा पल्टन’का प्रशान्त तामाङ र युनिटका अन्य मुख्य सदस्य दोहोरिएका छन् ।