Nepal's No.1 Filmy Web Magazine

फिल्मको सुटिङमा व्यस्त हुन लागेका अभिनेता मुकेश ढकालको वैशाख ९ गते जन्मदिन हो । एक दर्जन बढी फिल्ममा अभिनय गरेका मुकेशलाई फिल्मीखबर डट कम परिवार जन्मदिनको शुभकामना !

पाँच वटा फिल्म निर्माणबाट लगानी सुरक्षित गर्न नसकेका मोहनकृष्ण श्रेष्ठले पुनः फिल्म निर्माण गर्ने भएका छन् । ‘कन्यादान’, ‘राज’, ‘वर्षात’, ‘फुलस्टप’,‘ वर्षात’ र ‘फुलस्टप’ फिल्म निर्माण गरेका श्रेष्ठले ‘पुनर्जन्म’ नामक फिल्म निर्माणको तयारीमा छन् ।

अभिनेत्री रेखा थापाले फूलपाती रिलिजको फिल्म ‘हिम्मतवाली’का को-स्टार सुदर्शन गौतमसँग आफ्नो प्रेम रहेको स्विकार गरेकी छिन् । कान्तिपुर दैनिकका सुशील पौडेलसँगको कुरामा रेखाले भनेकी छिन्, ‘म उसलाई माया गर्छु । तर यो लुकीछिपी गरिने जस्तो लभ पनि होइन । अनि मेरो कारण उसको परिवारमा पनि असर गर्दैन ।’

सत्तरी सालको अन्त्यतिर प्रदर्शन भएको फिल्म ‘आधी बाटो’मा गायक बनेका अभिनेता सविन श्रेष्ठ आउँदो वैशाख २६ गते प्रदर्शन हुने फिल्म ‘दमदार’ मा प्रहरी इन्सपेक्टरको भूमिकामा छन् ।

'यो मेरो अभिनय करियरको पहिलो फिल्म हो । त्यसैले पनि यो फिल्म मेरो मनसँग नजिक छ,' सोमबार राजधानीमा आयोजना गरिएको 'मेरो बेष्ट फ्रेण्ड' फिल्मको अडियो विमोचन समारोहमा अभिनेत्री प्रियंका कार्कीले भनिन्, 'यो फिल्मले नै मेरो अभिनय यात्राको ढोका खोलिदिएको हो ।'

‘नोभेम्वर रेन’ को अडियो लञ्चमा अभिनेत्री नम्रता श्रेष्ठले भनेकी थिइन्, ‘आर्यनलाई सजाएर उसको बिहेमा जन्ती जान्छु ।’ आर्यनलाई सजाएर बिहेको जन्ती जाने नम्रताको सपना पूरा भएन । नम्रता विनै आर्यनले वैशाख ६ गते प्रेमिका सपनालाई भित्र्याए ।