Nepal's No.1 Filmy Web Magazine

होली आउन एक दिन बाँकी छ । गाउँदेखि शहर होलीको रंगमा रंगिन तयार छ । गत वर्षमा जस्तो होली पूर्व लोला हानेर हैरान पार्ने प्रवृत्ति कम देखिएपनि विभिन्न मिडिया हाउस, फिल्म युनिट एवं संघ संस्थालाई होली खेल्ने कार्यक्रम गर्दैमा फुर्सद छैन । वर्ष २०७० को फागु अर्थात् होलीलाई सेलिव्रेटीले कसरी सेलिव्रेट गर्दैछन् ? फिल्मीखबरले बुझ्ने प्रयास गरेको छ ।

चैत्र १४ गते रिलिज हुने भनिएको फिल्म 'नोभेम्बर रेन'को प्रदर्शन मिति पोष्टपोण्ड भएको छ । प्राबिधिक कारण देखाउँदै युनिटले एक महिना पर अर्थात बैशाख १२ गते फिल्म रिलिज गर्ने टुंगो लगाएको छ । अब यो फिल्मको उक्त मितिमा 'कबड्डी'सँग भिडन्त हुनेछ ।
 

फिल्मको राम्रा पक्षले प्रचार पाउन र व्यवसायलाई सघाउ पुगोस् भनेर प्रिमियर गर्ने प्रचलन छ । एक समय हराएको प्रिमियर गर्ने प्रचलनलाई पछिल्ला केही निर्माताले निरञ्तरता दिएका छन् । विडम्वना प्रिमियर भएका अधिकांश फिल्मले व्यवसायिक घाटा बेहोरेका उदाहरण छन् ।

निर्माता तथा अभिनेता पवन मैनाली एघार बर्ष पछि पुन: एक्सन कटमा देखिए । २०५९ साल फागुन ८ गते बारा जिल्लाको निजगढमा भएको ठूलो दुर्घटना पछि फिल्मी करियरबाट टाढिएका पवनले नीर शाहको निर्देशनमा बनिरहेको फिल्म 'सेतो बाघ'मा अभिनय गरेका छन् ।

कलाकार शान्ति गिरी र छायाँकार शैलेन्द्रध्वज कार्कीले सुटुक्क बिहे गरेका छन् । शान्ति र शैलेन्द्रले गत फागुन २५ गते बिहे गरेका हुन् ।

निर्देशक अनुप बरालको सम्बन्ध निर्माता अर्जुन कुमारसँग गुलियो छैन भन्ने कुरा त्यतिबेला छरपस्ट भयो जतिबेला निर्देशक बरालले नै ‘फिटकिरी’ को प्रेसमिटमा फिल्मको सुटिङ ताका भौतिक तथा मानसिक समस्या झेल्नु परेको रहस्य खोले ।