Nepal's No.1 Filmy Web Magazine

निर्माता छबिराज ओझाले पहिलो पटक 'लंका' फिल्ममा लगानी गर्न हौस्याएपछि मालतीलाई सानैदेखि नेपाली फिल्मको मोहले लगानी गर्न मोहित बनायो । 'लंका'बाट लगानी उठाउन सकिनन् तर फिल्मको किराले टोकीसकेको थियो उनलाई । दोस्रो फिल्म 'झोला'मा लगानी गरिन् । फिल्म चल्यो अनि पैसाले उनको झोला पनि भरियो, मन पनि भरियो ।

यो वर्ष फिल्म भन्दा पनि फिल्मका प्रचार प्रसार धेरै चले । प्रचार प्रसारलाई जोड दिइएका फिल्म मध्ये कुनै चले कुनै चलेनन् । वैशाख १२ गते ‘कवड्डी’ फिल्म चल्ने मिति आइसक्यो तर प्रचार प्रसार भने चलेको छैन । किन त ?

चैत २१ गते प्रदर्शन हुने फिल्म ‘आधी बाटो’बाट कलाकारद्धय सविन श्रेष्ठ र अनु शाह प्रचारको प्याकेजबाट माइनस भएको खबर पुरानो भैसक्यो । हामी यहाँ संगीतकार सुरेश अधिकारी माथि नै 'सिन्डिकेट' लागेको बारे चर्चा गर्दैछौं ।

‘हाइप’ पुगेन भन्दै चैत १४ को प्रदर्शन मिति सारेर वैशाख १२ गते पुर्याइएको फिल्म ‘नोभेम्वर रेन’को 'हाइप' पुग्नुपर्ने ठाउँमा भने पुग्न सकेको छैन । सञ्चार माध्यमसँगको सम्पर्कमा हुनुपर्ने निर्माण युनिट नै छरिएपछि ‘नोभेम्वर रेन’ को चल्नुपर्ने जति चर्चा नचलेको हो ।

पोखरामा सुटिङ भैरहेको नेपाली फिल्म 'नाईके'को छायाँकन अन्तिम चरणमा पुगेको छ । यतिबेला 'नाईके' युनिटले पोखराका विभिन्न लोकेशनमा धमाधम गीतहरु छायाँकन गरिरहेको छ ।

निर्देशक दीपा बस्नेतले फिल्म ‘श्री ५ अम्बरे’को सुटिङ सुरु गरेकी छिन् । सोमबारबाट बुढानिलकण्ठस्थित मह स्टुडियोबाट ५ महिने छोरो च्याप्दै दीपाले ‘अन्तराल’ पछिको आफ्नो दोस्रो निर्देशकिय फिल्म ‘श्री ५ अम्बरे’को सुटिङ सुरु गरेकी हुन् ।