Nepal's No.1 Filmy Web Magazine

अभिनेता श्रीकृष्ण श्रेष्ठको शोकमा डुबेकी अभिनेत्री श्वेता खड्का ज्वरोले थलिएकी छिन् । आइतबार फिल्मसँग आवद्ध कलाकार र पत्रकारहरु अभिनेता श्रीकृष्ण निवास पुग्दा उनी ज्वरोले थलिएकी भेटिइन् । श्रीकृष्ण श्रेष्ठका भिनाजु चन्द्र प्रसाद श्रेष्ठले श्वेतालाई दुई तीनदेखि ज्वरोले समातेको जानकारी गराए ।

२०१२ सालकी मिस  नेपाल विजेता सृष्टि श्रेष्ठ हिरोइनको रुपमा आउँदैछिन् । सृष्टि श्रेष्ठ ‘छड्के’ निर्देशक निगम श्रेष्ठको अपकमिङ फिल्मबाट हिरोइनको रुपमा डेब्यु गर्न लागेकी हुन् । फिल्मको तयारी स्वरुप सृष्टि हाल अभिनयको प्रशिक्षण लिन व्यस्त रहेको स्रोतले बतायो । सृष्टिलाई सुनिल पोखरेलले विशेष प्रशिक्षण दिईरहेका छन् ।

५ महिना अघि स्विजरल्याण्डको ‘भिजन सुद फण्ड’ वापत ५० हजार फ्रयांक ( ५० लाख) प्राप्त गरेको फिल्म ‘कालो पोथी’ले थप पैसा प्राप्त गरेको छ । आइतबार ‘कालो पोथी’ निर्देशक मिन भाम र निर्माता छिरिङ रितार शेर्पाले एक विज्ञप्ती जारी गर्दै फिल्मले बर्लिन फिल्म फेस्टिभलको ‘वल्र्ड सिनेमा फन्ड’ अन्तर्गत् ३० हजार (नेरु ३९ लाख) युरो जितेको घोषणा गरेका छन् ।

नेपाली फिल्ममा ‘राते काइँला’को नामले चिनिने चर्चित अभिनेता सुनिल थापाको बलिउड अभिनेत्री प्रियंका चोपडाले खुलेर प्रसंसा गरेकी छिन् । सञ्जयलीला भन्सालीद्धारा निर्मित तथा उमंग कुमार निर्देशित फिल्म 'मेरी कोम'को अडियो लन्च कार्यक्रममा प्रियंकाले सुनिललाई नेपालको चर्चित र कुशल कलाकार भन्दै प्रसंसा गरेकी हुन् । 

 लोकप्रिय अभिनेता श्रीकृष्ण श्रेष्ठको अन्तिम चलचित्र ‘कोहिनुर’ हेर्न दमौलीको मनकामना चलचित्र मन्दिरमा दर्शकको भिड निकै बढेको छ । प्रर्दशनको केही दिनमा सुस्त व्यापार गरेको यो फिल्मले पछिल्ला केही दिनमा भने आक्रामक व्यापार गरेको जनाईएको छ ।