Nepal's No.1 Filmy Web Magazine
अभिनेता राजेश हमालले स्वस्थ्य रहन हाइकिङ जानु राम्रो रहेको बताएका छन् । राजधानीमा शनिबार ‘हाइक फर नेपाल’ शीर्षकको क्याम्पेनको उद्घाटन गर्दै यस्तो धारणा राखेका हुन् । उनले शनिबार बिहान नागार्जुन हिल गेटमा भएको क्याम्पेनमा ‘हाइक फर नेपाल’ लेखिएको टिसर्ट साइन गर्दै क्याम्पेनको उद्घाटन गरेका थिए । उनले हाइकका लागि आएका १५० भन्दा बढी सहभागिलाई सम्बोधन गर्दे हाइकिङमा युवाको सहभागिता सह्रानिय रहेको बताए ।
अभिनेता सरोज खनालले दर्शकको माया पाउन आफू फेरि फर्किएको बताएका छन् । राजधानीको सर्वनाम थिएटरमा फिल्म निर्देशक राजेन्द्र शलभसँग अन्तक्र्रियामा सहभागि हुँदै अमेरिकामा सबै थोक भएपनि दर्शकको मायाको अभाव भएका कारण नेपाल फर्किएको बताए ।
हरेक बर्ष नेपाली फिल्मका लागि चैत्रको अन्तिम साता आकर्षणमा रहन्छ । निर्माताहरु चैत्र २६ लाई प्रदर्शन मिति तोकेर चर्चामा आउँछन् । हरेक बर्ष चैत्रको अन्तिम सातामा नयाँ बर्षलाई हेरेर ४ देखि ५ वटा सम्म फिल्मको प्रदर्शन मिति तोकिन्छ ।
नेपाल चलचित्र प्राविधिक संघका अध्यक्ष मनोज केसी र महासचिव अनन्त तिमिल्सिना आठौ नेफ्टा फिल्म अवार्डको तयारीका लागि कतार पुगेका छन् । अन्तरराष्ट्रिय कलाकार मञ्च, कतारसँग सहकार्य गर्दै नेफ्टाले यो बर्ष कतारमा अवार्ड आयोजना गर्न लागेको हो । यसअघि अवार्ड कार्यक्रम मलेसिया र हङकङमा सम्पन्न भैसकेको छ ।
हिन्दी फिल्म ‘ज्याकपट’को एउटा गीतमा अभिनय गरेर भिडियोमा देखिएकी पूर्व मिस नेपाल सृष्टि श्रेष्ठ फेरि एकपटक हिन्दी गायक तथा संगीतकारको गीतमा देखिने भएकी छिन् । सृष्टि गायक तथा संगीतकार सलिम मर्चेन्टको आवाजमा रेकर्ड भएको नेपाली गीतमा अभिनेता रेश मरहठ्ठासँगै म्युजिक भिडियोमा देखिन लागेका हुन् ।
अभिनेता तथा निर्देशक नीर शाहलाई टेलिभिजन कलाकर्मी मञ्चले लाइफ टाइम अचिभमेन्ट प्रदान गर्ने भएको छ । मञ्चले बिहीबार पत्रकार सम्मेनल गर्दै शाहलाई प्रदान गर्ने घोषणा गरेको हो । नगद १ लाख १ हजार सहितको सम्मान मञ्चले आइतबार प्रज्ञाप्रतिष्ठानको हलमा एक कार्यक्रमको आयोजना गर्दै प्रदान गर्नेछ ।
