Nepal's No.1 Filmy Web Magazine
अभिनेत्री अनु शाह बल्ल अभिनेता निखिल उप्रेतीले निर्देशन गरेको फिल्म ‘भैरव’को प्रचार सामाग्रीमा देखिएकी छिन् । फिल्मको ट्रेलर र एक गीतमा ओझेल परेकी अनु सार्वजनिक नयाँ एक गीतमा निखिलसँग मस्ती गर्दैछिन् ।
तमिल फिल्म ‘बाहुबली’ले तीन दिनमा १ अर्ब ६० करोड कमाउँदै नयाँ रेकर्ड कायम गरेको छ । भारतमा कुनै पनि फिल्मले तीन दिनमा कमाएको यो सर्वाधिक रकम हो । यसअघि शाहरुख खानको ‘ह्याप्पी न्यु इयर’ले तीन दिनमा सय करोड कमाउँदै रेकर्ड कायम गरेको थियो । त्यो रेकर्डलाई पछि पार्दै बाहुबलीले भारतभरबाट यत्तिको कमाई गरेको हो ।
फिल्मले पहिलो दिनमै ५० करोड कमाएर बजारमा तहल्का मच्चाएको थियो । तर शनिबार हल्का कम कमाई गरेपनि आइतबार ६० करोड बराबर कमाई गर्दै फिल्मले १ अर्ब ६० करोड पुर्याएको हो ।
फिल्म मालाको विशेष शो काठमाण्डौको क्यूज हलमा गरिएको छ । गायिका आनी छोइङ लामाले निर्माण गरेको सामाजिक संस्था आरोग्य फाउन्डेसनका लागि फिल्मको विशेष शो गरिएको हो । फिल्म हेर्नका लागि माइती नेपालकी अध्यक्ष अनुराधा कोइराला, कलाकार विजय लामा, अभिनेता आर्यन सिग्देल, अभिनेत्री गौरी मल्ल लगायत क्यूज हल पुगेका थिए ।
फिल्म कामचोरले आफ्नो प्रदर्शन मिति फेरि तोकेको छ । जेठ १ गते प्रदर्शन हुने भनिएपनि भूकम्पका कारण यो फिल्मको प्रदर्शन मिति अनिश्चितकालका लागि सरेको थियो । ग्रिनहित भीएफएक्स मिडियाको प्रस्तुतीमा बनेको यो फिल्मलाई दिनेश श्रेष्ठले निर्देशन गरेका हुन् । फिल्म असोज ८ गतेबाट हलमा लाग्ने निर्देशक श्रेष्ठले जानकारी दिएका छन् ।
अभिनेता तथा निर्देशक नीर शाहलाई नेपाल टेलिभिजन कलाकर्मी मन्चले लाइफटाइम अचिभमेन्ट प्रदान गरेको छ । शाहलाई सन्चारमन्त्री मिनेन्द्र रिजालले नगद एक लाख ११ हजार एक १ सय ११ रुपैँयाद्धारा सम्मान गरे । शाह नेपाल टेलिभिजनको संस्थापक अध्यक्ष हुन् ।
फिल्म फन्कोले आफ्नो प्रदर्शन मिति तय गरेको छ । सुवर्ण थापाले निर्देशन गरेको यो फिल्म माघ १ गतेबाट प्रदर्शनमा आउने वितरक एफडी कम्पनीका प्रमुख प्रदिप उदयले बताए ।
फिल्म फन्कोलाई नरेन्द्र महर्जनले निर्माण गरेका हुन् ।
