Nepal's No.1 Filmy Web Magazine

शुक्रबारबाट प्रदर्शनमा आएका तीन फिल्म मध्ये 'प्रेमगीत' र 'क्लासिक'ले शनिबार दर्शकको राम्रो साथ पाएका छन् । काठमाडौं सहित मोफसलमा अधिकांश हलमा दर्शक उर्लिए । दुबै फिल्मले बिहानी तथा दिवा शो मा हाउसफुल बिजनेश गर्दा सांझको शो मा पनि दर्शकले उत्तिकै साथ दिएका छन् ।

शुक्रबार रिलिज फिल्मले पहिलो दिनको सुरुवाती शो मा दर्शकको कस्तो साथ पाए त ? फिल्मकर्मी तथा फिल्म शुभचिन्तकहरुको लागी धेरै कौतुहलताको विषय हो । तीन फिल्म 'क्लासिक', 'प्रेमगीत' र 'चलेछ बतास सुस्तरी' एकसाथ रिलिज हुँदैगर्दा दर्शक बाँडिनु स्वभाविक भए पनि भिडन्त रोमाञ्चक बनेको छ ।

फिल्म 'क्लासिक' को शुक्रबार बिहान राजधानीमा प्रेस शो गरिएको छ । कुमारी हलमा आयोजित शो मा सञ्चारकर्मीहरुले फिल्म युनिटसँगै बसेर फिल्म हेरे । लिड कलाकार आर्यन सिग्देल र नम्रता श्रेष्ठ तथा निर्माता सुवास गिरी र निर्देशक दिनेश राउत लगायत केहि फिल्मकर्मीहरु शो मा उपस्थित थिए ।

फ्राईडे रिलिज अन्तर्गत यो हप्ता तीन नेपाली फिल्म रिलिज भएका छन् । बहु प्रतिच्छित मानिएका तीन फिल्म 'प्रेमगीत', 'क्लासिक' र 'चलेछ बतास सुस्तरी' एकसाथ प्रदर्शनमा आएका हुन् । रोमाञ्चक कुरा के छ भने तीन फिल्मको नै जनरा एक हो ।

यो शुक्रबारबाट प्रदर्शनमा आउन लागेको फिल्म 'प्रेमगीत'को बुधबार राजधानीमा भब्य प्रिमियर गरियो । टेलिभिजन लाईभ सहित सम्पन्न प्रिमियरमा कलाकर्मीको रेड कार्पेट फेशन स्टेट्मेन्टले राम्रो चर्चा त पायो नै फिल्म हेरिसकेपछि पनि धेरैले मन छोएको बोले ।