Nepal's No.1 Filmy Web Magazine
धनगढीस्थित चन्दन टाकिजले अनधिकृत रुपमा फिल्म प्रदर्शन गरेको भन्दै चलचित्र विकास बोर्डको आग्रहमा , जिल्ला प्रशासन कार्यालय र प्रहरी कार्यालयले छापा मारेका छन् । रिलिजका लागि सेन्सर नै नभएको ‘ग्रेट ग्रान्ड मस्ती’ प्रदर्शन गरिरहेको उजुरी परेपछि अनुसन्धान गर्दै जाँदा सो हल नविकरण नै नभएको पाइएको बोर्डका अधिकृत चिरञ्जिवी गुरागाईंले बताए ।
अहिलेकी व्यस्त अनि सुन्दर अभिनय गर्ने अभिनेत्री केकी अधिकारी हाल 'जोसेफ' फिल्मको सुटिङमा व्यस्त छिन् । धर्म परिवर्तनबाट परिवारमा हुने मनमुटावको कथा बोकेको यस फिल्ममा केकी केन्द्रिय भूमिकामा रहनेछिन् ।
सुस्मिताको निर्माणमा बनेको चलिचत्र ‘म त तिम्रै हुँ’ साउन ७ गतेबाट रिलिज हुँदैछ । अनमोल केसी निर्माता रहेको चलचित्र ‘म त तिम्रै हुँ’ बाट नयाँ अनुहार आकाश श्रेष्ठ र ज्योत्सना योगीको आगमन हुँदैछ । नयाँ अनुहारमाथि धेरैले अविश्वास गरिरहँदा निर्मात्री सुस्मिता केसीले आफूले ल्याएका कलाकारमाथि भरोसा व्यक्त गरेकी छिन् ।
आयुष्मान देसराज श्रेष्ठ र परामित राणा ‘चपली हाइट २’ नयाँ अनुहार हुन् । फिल्म भित्र उनीहरु जोडीको रुपमा देखिन्छन् । तर पर्दा बाहिर पनि दुवै ‘लव कपल’ हुन् अर्थात् असली जोडी हुन् । फिल्म रिलिज नजिकिँदै गर्दा यो जोडी सार्वजनिक कार्यक्रममा बाक्लै देखिन थालेको छ । शनिबार पनि यो जोडी दरमार्गमा खुलेको नयाँ नाइट क्लबको उद्घाटन गरेको थियो । उद्घाटनमा दुवैलाई निर्माता माधव वाग्ले, निर्देशक दीपेन्द्र के खनाल, निर्माता अर्जुन कुमार, निर्देशक सुब्रत आचार्य, कलाकार गजित विष्ट, परामिता राणा, नवीन लम्साल, साइब्रत आचार्य लगायतले केक काटेर साथ दिएका थिए ।
कलाकार र स्वास्थकर्मी मिलेर ललितपुरको लगनखेलस्थित सञ्चय कोष भवनमा सञ्चालनमा आएको पाटन प्याथ ल्याब प्रालिको शुभारम्भ गरेका छन् । हालसम्मकै अत्याधुुनिक प्रविधी र मेशिनसहित सञ्चालनमा ल्याइएको ल्याबको हास्य कलाकार जोडी दीपकराज गिरी र दीपाश्री निरौला, ल्याबका सञ्चालक रेशम भट्टराई, पूर्व प्रमुख निर्वाचन आयुक्त निलकण्ठ उप्रेती, र भक्तपुर क्यान्सर अस्पतालका निर्देशक डा. प्रकाशचन्द्र न्यौपानेले संयुक्तरुपमा शुभारम्भ गरेका हुन् ।
‘नाईं नभन्नू ल’ निर्माण समूहले कीर्तिपुरमा रहेका एचआइभी पीडितलाई आर्थिक सहयोग गरेको छ । हङकङ ठकुरी समाजले हङकङमा आयोजना गरेको शोबाट उठेको रकम कीर्तिपुरमा रहेको बेबी लाइफ होमलाई शनिबार प्रदान गरेको हो ।
