Nepal's No.1 Filmy Web Magazine
निर्देशक दीवाकर भट्टराई र अभिनेत्री दीपिका प्रसाइँ हिन्दू परम्पराअनुसार बैबाहिक जीवनमा बाँधिएका छन् । मंगलवार सिन्धुलीबाट धनगढी पुगेर निर्देशक भट्टराईले दीपिकाको सिउँदो भरेका हुन् । हुनत, यो जोडीले केही वर्ष अगाडि नै कागजी विवाह गरिसकेका थिए । तर, यसको जानकारी दुई पक्षका परिवारबाहेक कसैलाई थाहा थिएन ।
प्रतिष्ठित ब्यानर महसञ्चारले निर्माण गरेको फिल्म ‘दाल भात तरकारी’ ले बक्सअफिसमा ठूलो उछाल ल्याउने रिलिजपूर्व धेरैको अनुमान थियो । ब्रान्ड भ्यालु र राम्रो हाइप भएका कारण दर्शकमा फिल्मप्रति अपेक्षा पनि उच्च थियो । तर, फिल्मले दर्शकलाई सन्तुष्ट बनाउन नराम्रोसँग चुकेको छ । फिल्म हेरेका दर्शकले खासै राम्रो प्रतिक्रिया दिएका छैनन् । राम्रोभन्दा फिल्म कमजोर रहेको बताउने दर्शकको संख्या ठूलो छ ।
नेपालमा बनेको पहिलो नेपाली फिल्म ‘आमा’ नाम सापटी लिएर तेस्रो पटक फिल्म निर्माण हुने भएको छ । यो नाममा हीरासिंह खत्रीले वि.सं. २०२० मा फिल्म बनाएका थिए । यसपछि २०५१ सालमा रेसराज आचार्यले पनि ‘आमा’ नाममा फिल्म बनाए । अब तेस्रो पटक 'पशुपति प्रसाद' फेम्ड निर्देशक दीपेन्द्र के. खनालले ‘आमा’ बनाउन लागेका हुन् ।
