Nepal's No.1 Filmy Web Magazine

रोमान्टिक लभस्टोरी जनरामा निर्माण भएको ‘लभ यू हमेशा’ को प्रदर्शन मिति घोषणा गरिएको छ । भाष्कर प्रधान निर्देशित फिल्म आउँदो भदौ ६ गतेबाट देशभर प्रदर्शनमा आउने निश्चित भएको छ । प्रदर्शन मितिसँगै निर्माण टिमले सोमवार फस्टलुक पोस्टर पनि सार्वजनिक गरेको छ । पोस्टर रोमान्टिक थिममा तयार पारिएको छ ।

लामो समयदेखि चर्चामा रहेको फिल्म ‘प्रेमगीत ३’ मा अभिनेता प्रदीप खड्काको पिताको भूमिकामा अभिनेता राजेश हमाललाई अफर गरिएको थियो । निर्माण कम्पनी आशुसेन फिल्मस्का सन्तोष सेन र हमालबीच फिल्मलाई लिएर विभिन्न चरणमा छलफल समेत भएको थियो । स्क्रिप्ट सुनेपछि फिल्म गर्ने मनस्थिति  बनाएका हमालले अन्ततः ‘प्रेमगीत ३’ नगर्ने भएका छन् । यसको जानकारी निर्माता सेनले फिल्मीखबरलाई दिए । 

एडल्ट स्टारबाट बलिउड स्टार बनेकी हट एण्ड बोल्ड अभिनेत्री सन्नी लियोनी प्रायः नेपाल आइरहेकी हुन्छिन् । कहिले विभिन्न रमणीय स्थान घुम्न त कहिले आफू ब्रान्ड एम्बसेडर रहेको कम्पनीको ब्रान्ड प्रवद्र्धन गर्न उनी बाक्लै नेपाल आउने गरेकी छन् । नेपाल भ्रमणमा रहँदा उनले सधैं नेपाली फिल्ममा काम गर्न इच्छा व्यक्त गर्दथिन् । फिल्म ‘पासवर्ड’ बाट उनले नेपाली फिल्मको हिस्सा बन्ने अवसर पाएकी छन् । 

निर्माणको ५ वर्षपछि प्रदर्शनका लागि तयार भएको छ फिल्म ‘कीर्तिपुर : द लिजेन्ट अफ कीर्तिलक्ष्मी’ । यो फिल्म लामो समय सेन्सरमा अड्किएको थियो । सेन्सर बोर्डले प्रदर्शनका लागि बाटो खोलिदिएपछि यही असार १३ गतेबाट फिल्म देशैभर एकसाथ पर्दामा लाग्दैछ । तत्कालिन राजा पृथ्वीनारायण शाहले एकिकरणको अभियानमा १८ औं शताब्दिमा कीर्तिपुरमा गरेको आक्रमणको विषयवस्तुमा फिल्म आधारित छ । 

असार २० गतेलाई प्रदर्शन मिति घोषणा गरिएको फिल्म ‘सानो मन’ को अफिसियल ट्रेलर सार्वजनिक भएको छ । यसअघि सार्वजनिक भएको फिल्ममा समावेश ‘रानु कम्मर’ बोलको गीतले चर्चा बटुल्दै गर्दा निर्माण टिमले आइतबार प्रेम र रोमान्सले भरिएको ट्रेलर सार्वजनिक गर्‍यो । ट्रेलरमा अभिनेता आयुष्मान देशराज जोशी र अभिनेत्री शिल्पा मास्केको प्रेममा आउने उचारचढाव देखाइएको छ ।

अभिनेता दयाहाङ राई स्टारर फिल्म ‘आप्पा’ को ‘साउने झरी’ बोलको ओएसटी गीत सार्वजनिक भएको छ । विज्ञान बराइलीको स्वर रहेको गीतको शब्द उमेश उपमाको लेखेका छन् । भने, संगीत अनमोल गुरुङ र सैकत देवले भरेका छन् । गीतको अडियो सशक्त छ । भिडियोमा मेकिङ गजबको देखिन्छ । गीतमा एक छोरा र पिताको प्रेम दर्शाइएको छ ।