Nepal's No.1 Filmy Web Magazine
फेसबुक, ट्विटर, इन्स्टाग्राममा लाखौं फलोअर्स हुँदैमा कुनै कलाकारको क्रेज मापन हुँदैन । कलाकारको क्रेज सामाजिक सञ्जालमा साझेदार गरेको फोटोमा आउने लाइक्सले होइन, फिल्म हेर्न हल पुग्ने दर्शकको भीडले मापन गर्छ । नेपाली कलाकारहरु युट्युबमा आफ्नो अन्तर्वार्ता लाखौंले हेरेपछि गमक्क हुन्छन् । आफूलाई ‘सुपरस्टार’ ठान्छन् । तर, हलमा फिल्मले पानी भन्न नपाउँदा निर्माता तर्सिन्छन् ।
एक्सन सुपरस्टार विराज भट्टले निर्देशनमा हात हालेको फिल्म ‘साङ्लो’ को अहिले डोटीमा छायांकन भइरहेको छ । यसमा उनकै लगानी र प्रमुख भूमिका छ । पूर्व मिस नेपाल निकिता चाण्डक उनको अपोजिटमा छिन् । यस फिल्म निर्माणका लागि डोटीको जोरायल गाउँपालिकाले १० लाख दिने भएको छ । जेठ २७ गते बसेको कार्यपालिकाको बैठकले यो निर्णय गरेको हो ।
चलचित्र विकास बोर्डले १९औं वार्षिकोत्सवको अवसरमा नेपाली चलचित्र क्षेत्रमा स्थापनाकालदेखि अहिलेसम्म विभिन्न क्षेत्रमा योगदान पुर्याएका १० जना चलचित्रकर्मीलाई ‘चलचित्रकर्मी विशेष योगदान सम्मान–२०७६’ बाट सम्मानित गर्ने भएको छ । बोर्डका सदस्य दयाराम दाहालको संयोजकत्वमा सम्मानित व्यक्तिहरुको चयन कार्य सुरु भएको बोर्डले जनाएको छ ।
अभिनेत्री परिणीति चोपडा अहिले ब्याडमिन्टन प्लेयर सायना नेहवालको बायोपिकको तयारीमा व्यस्त छिन् । चाँडै यसको छायांकन सुरु हुँदैछ । उनी आफ्नो तयारीको बारेमा सामाजिक सञ्जालमार्फत् फ्यानलाई जानकारी दिइरहेकी हुन्छिन् । परिणीतिले आफ्नो बेस्ट फ्रेन्ड सानिया मिर्जाबाट स्पोर्ट्सको विषयमा सल्लाह पनि लिइरहेकी छन् ।
अभिनेता विपिन कार्की र अभिनेत्री वर्षा राउत दुबै एकअर्काका लागि निकै फापेका छन् । दुईले हाल प्रदर्शनरत फिल्म 'जात्रै जात्रा' सहित तीन फिल्ममा काम गरे । 'जात्रा' बाट सुरु भएको दुईको सहकार्य फिल्म 'गोपी' मा पनि भयो । भलै, यो फिल्मले बक्सअफिसमा कमाल गरेन । प्रदीप भट्टराई निर्देशित 'जात्रा' ले भने हलमा प्रदर्शनको ५१ दिन मनाएको थियो । अब, यसको सिक्वेल पनि यही बाटोमा छ । फिल्म बिहीवार ३५ औं दिनमा प्रदर्शनरत छ ।
अभिनेता आयुष्मान देशराज जोशी र अभिनेत्री शिल्पा मास्केको फिल्म करिअर खासै सुखद रहन सकेको छैन । आयुष्मानले दीपेन्द्र के. खनाल निर्देशित हिट फिल्म 'चपली हाइट' को दोस्रो सिरिजबाट डेब्यू गरे । फिल्म बक्सअफिसमा पत्तासाफ भयो । न उनको अभिनय रुचाइयो । यसपछि उनले फिल्म 'कथा काठमाण्डू' गरे । यो फिल्मको हविगत उनको डेब्यू फिल्मभन्दा पनि टिठलाग्दो भयो ।
