Nepal's No.1 Filmy Web Magazine
अहिलेका सर्वाधिक डिमान्डेड र महँगा अभिनेता हुन्, प्रदीप खड्का । उनी अभिनीत फिल्म ‘प्रेमगीत २’ बाहेक कुनै फिल्म बक्सअफिसमा सफल छैनन् । तर, त्यसको असर उनको ‘ब्रान्ड भ्यालू’ मा परेको छ । पछिल्लो रिलिज फिल्म ‘लभ स्टेशन’ ले आफ्नो फ्लप श्रृंखलामा पूर्णविराम लगाउनेमा उनी विश्वस्त थिए । तर, एक टर्कीस फिल्मको कथा हुबहु चोरिएको प्रमाणित भएपछि फिल्मले हलमा पानी भन्न पाएन ।
लामो समयदेखि फिल्म सम्बन्धि विभिन्न विधामा अध्यापन गराउँदै आएको ओस्कार कलेजले भारतीय फिल्म कलेजसँग पठन-पाठनमा सहकार्य गर्ने भएको छ । ओस्कार कलेजले केही दिनअघि भारतको ‘सत्यजित रे फिल्म एन्ड टेलिभिजन इन्स्टिच्युट’, ‘फिल्म एन्ड टेलिभिजन इन्स्टिच्युट’ र ‘नेसनल स्कुल अफ ड्रामा’ का डिन तथा पदाधिकारीलाई भेट्दै औपचारिक रुपमा सम्झौता गरेको हो ।
गत वर्ष प्रदर्शनमा आएको अभिनेत्री शिल्पा पोखरेल र अभिनेता अनुप विक्रम शाहीको प्रमुख भूमिका रहेको फिल्म ‘वीराङ्गना’ का प्रस्तुतकर्ता रघु परियारले नयाँ फिल्मको घोषणा गरेका छन् । शनिबार आफ्नो जन्मदिन मनाउँदै उनले ‘मन परेसी पर्यो पर्यो’ नाममा फिल्म बनाउने घोषणा गरेका हुन् । रुपेश थिङ तामाङले फिल्मको निर्देशन गर्नेछन् ।
बलिउड अभिनेता आयुष्मान खुरानाको नयाँ फिल्म ‘ड्रीम गर्ल’ लाई क्रिटिक्सबाट निकै राम्रो रिभ्यू र रेटिङ मिलेको छ । यसको सिधा असर फिल्मको पहिलो दिनको बक्सअफिस कलेक्सनमा परेको छ । राज शान्डिल्य निर्देशित फिल्मले ओपनिङ डेमा सानदार प्रदर्शन गरेको छ । यो फिल्म आयुष्मानको सबैभन्दा ठूलो ओपनर बनेको छ ।
कुनै समय भिलेन भनेपछि अलिकति डरलाग्दो, तर्सिने खालको, बिग्रेको अनुहार भएको सोचिन्थ्यो । तर, जब नेपाली फिल्ममा अभिनेता अनुपविक्रम शाहीको प्रवेश भयो तबदेखि भिलेनको परिभाषा नै बदलिएको छ । उनले भिलेनको भूमिका गर्ने कलाकार पनि हिरोभन्दा ह्यान्डसम हुन्छन् भन्ने नयाँ मानक स्थापित गरेका छन् । अहिले नेपाली फिल्ममा ह्यान्डसम हिरोभन्दा ह्यान्डसम भिलेनको प्रवेश बढ्दो छ ।
‘चपली हाइट २’ बाट नेपाली फिल्ममा डेब्यू गरेकी बोल्ड एण्ड व्यूटिफूल एक्ट्रेस परमिता आरएल राणाले पहिलो पटक तेलुगू फिल्ममा अभिनय गर्ने भएकी छन् । तेलुगू फिल्मका एक्सन सुपरस्टार गोपीचन्दको प्रमुख भूमिका रहने बेनामे फिल्ममा उनी लिड अभिनेत्रीको रुपमा रहेकी छन् । गोपीचन्दसँग फिल्ममा उनको जोडी बाँधिएको छ ।
